पुसेसावळी : राजकीय धुळवड, गटतट बाजूला ठेवून वांझोळी ग्रामस्थांनी पुन्हा ऐक्याची वज्रमुठ आवळली आणि ग्रामपंचायतीत बिनविरोध निवडणुकीची गुढी उभी केली आहे. ग्रामस्थांनी दाखवलेल्या एकीचे सर्वत्र कौतुक होत आहे.
सार्वजनिक उत्सवात वांझोळी ग्रामस्थांनी एकी दाखवली आहे.
निवडणुकीमुळे गावातील वातावरण दूषित होण्यापेक्षा सर्वांना विश्वासात घेऊन ग्रामपंचायत निवडणूक बिनविरोध करण्यासाठी कंबर कसली आणि सर्वानुमते सात जागांसाठी सातच अर्ज भरायचे निश्चित झाले. त्यानुसार आरक्षनिहाय सात अर्ज दाखल करून बिनविरोध निवडणुकीवर शिक्कामोर्तब करण्यात आले. किसन मगर, बाळू मोटे, तन्वीर वाघमारे, राजश्री मगर, सुनीता मगर, सविता मगर, अनुसया माने यांची पुढील पाच वर्षांसाठी सदस्य म्हणून निवड करण्यात आली आहे.
ग्रामपंचायत बिनविरोध करण्यासाठी साधुनाना मगर, आप्पा मगर, चंद्रकांत मगर, बाळासाहेब मगर, भरत जगताप, पोलीसपाटील संभाजी माळी, आण्णा मगर, अरविंद मगर, सुरेशशेठ सूर्यवंशी, संजय निकम, तानाजी मगर, आकाराम मगर, सुरेश मगर, भरत डुबल, संभाजी मगर, गणेश मगर, राजेंद्र मगर, तरुण मंडळाचे कार्यकर्ते, ग्रामस्थ यांनी विशेष परिश्रम घेतले.
नवनिर्वाचित सदस्यांचे पालकमंत्री बाळासाहेब पाटील, माजी आमदार प्रभाकर घार्गे, धैर्यशील कदम, जितेंद्र पवार, मानसिंग माळवे, सुरेशबापू पाटील, संतोष घार्गे, सी. एम. पाटील यांनी कौतुक केले आहे.
फोटो ओळ :
०७पुसेसावळी
वांझोळी ग्रामपंचायती बिनविरोध निवड झालेले नवनिर्वाचित ग्रामपंचायत सदस्य.