अक्षयकुमारसोबत उदयनराजेंची गळाभेट

पिंपोडे बुद्रुक : पिंपोडे बुद्रुक, ता. कोरेगाव येथील घुमाईदेवी मंदिर परिसरात केशरी चित्रपटासाठी उभारलेल्या सेटवर अभिनेता अक्षयकुमार आणि खासदार उदयनराजे भोसले या दोघांनी एकमेकांची गळाभेटघेतली. यावेळी दोघांनीही एकमेकांशी बराचवेळ संवाद साधला.पिंपोडे बुद्रुकगावाजवळ घुमाईदेवी मंदिर परिसरात अभिनेता अक्षयकुमार याच्या केशरी चित्रपटाचे चित्रीकरण सुरू आहे. गुरुवारी या सेटवर खासदार उदयनराजे भोसले यांनी एन्ट्री केली. यावेळी अक्षयकुमारआणि उदयनराजेंनी एकमेकांना अलिंगन देत गळाभेट घेतली. त्यानंतर काहीवेळ दोघांनीसंवादही साधला.दरम्यान, अभिनेता अक्षयकुमार याने वॉटर कपच्या निमित्ताने कोरेगाव तालुक्यातील पिंपोडे बुद्रुकमध्ये श्रमदान केले आहे. आठ दिवसांपूर्वीच त्याने पिंपोडे ग्रामस्थांशीही संवाद साधत २५ लाखांची आर्थिक मदत देऊ केली होती.यावेळी अभिनेता अक्षयकुमारला पाहण्यासाठी चाहत्यांनी गर्दी केली होती.