तरडगाव : कापडगाव, (ता. फलटण) विविध कार्यकारी सहकारी सेवा सोसायटीच्या अध्यक्षपदी तानाजी खशाबा करे यांची, तर उपाध्यक्षपदी वैजंताबाई बापूराव करे यांची बिनविरोध निवड झाली. निवडीनंतर नूतन पदाधिकाऱ्यांचा सत्कार करण्यात आला.
मावळत्या पदाधिकाऱ्यांच्या राजीनाम्यानंतर रिक्त पदांच्या निवडीसाठी बैठक आयोजित करण्यात आली. यावेळी तानाजी करे व वैजंताबाई करे यांचे अनुक्रमे अध्यक्ष, उपाध्यक्ष पदासाठी दोनच अर्ज दाखल झाल्याने त्यांची बिनविरोध निवड झाल्याचे जाहीर करण्यात आले. निवडीनंतर गुलालाची उधळण करीत आनंदोत्सव साजरा करण्यात आला.
यावेळी मावळते पदाधिकारी संजय मलगुंडे, श्रीरंग खताळ, सोसायटी सदस्य बापूराव केसकर, राघू जाधव, प्रदीप घाडगे, गंगाराम जाधव, आबासो घुले, दशरथ खताळ, पद्मावती खताळ, नाना करे, बापूराव करे, संजय करे, हिंदुराव करे, दशरथ करे, सचिन केसकर, आण्णासाहेब केसकर, मंजाबा खताळ, शंकर खताळ, बापूराव खताळ, सुनील करे, दादा करे, दत्तात्रय घुले, कुंडलिक करे, आदी मान्यवर, सभासद उपस्थित होते. निवडणूक निर्णय अधिकारी म्हणून कुलकर्णी यांनी कामकाज पाहिले. त्यांना सचिव नितीन रणवरे यांनी सहकार्य केले.
निवडीबद्दल खासदार रणजितसिंह नाईक-निंबाळकर, भाजपा जिल्हाध्यक्ष किरण पावसकर, आदी मान्यवर, ग्रामस्थ यांनी नवनिर्वाचित पदाधिकाऱ्यांचे कौतुक केले.
२७कापडगाव
फोटो - कापडगाव (ता. फलटण) विकास सेवा सोसायटीच्या अध्यक्षपदी तानाजी करे व उपाध्यक्षपदी वैजंताबाई करे यांच्या बिनविरोध निवडीनंतर त्यांचा सत्कार करण्यात आला.