मसूर : नडशी (ता. कऱ्हाड) येथील ग्रामदैवत श्री सिद्धेश्वर देवाची सोमवार, दि. १० ते ११ मे रोजी होणारी यात्रा आहे. कोरोनाचा वाढता प्रादुर्भाव पाहता व जिल्हाधिकाऱ्यांच्या आदेशानुसार यावर्षी रद्द करण्यात आल्याची माहिती ग्रामपंचायत व यात्रा कमिटी यांच्यावतीने देण्यात आली.
दरम्यान, गावातील सर्व ग्रामस्थ बंधू-भगिनींना नडशी ग्रामपंचायतीच्या वतीने आवाहन करण्यात आले आहे की, गावांमध्ये कोरोनाचा प्रादुर्भाव होऊ नये म्हणून कोणीही पै-पाहुणे, मित्र परिवार, नातेवाइकांना गावामध्ये बोलावू नये तसेच मंदिर परिसरात गर्दी केल्यास कायदेशीर व दंडात्मक कारवाई करण्यात येईल याची नोंद घ्यावी, असे आवाहन सरपंच, उपसरपंच, सर्व सदस्य व यात्रा कमिटीच्यावतीने करण्यात आले आहे.