कराड तालुक्यातील एकूण १०४ ग्रामपंचायतींची निवडणूक झाली. त्याचा निकालही जाहीर झाला. त्यानंतर २९ जानेवारीला सरपंच पदाचे आरक्षण जाहीर करण्यात आले. सरपंच पदांचे आरक्षण जाहीर झाल्यानंतर गावोगावी सत्तास्थापनेची मोर्चेबांधणी सुरू झाली. निवडणुका झालेल्या सर्व गावांना सरपंच निवडीची प्रतीक्षा लागून होती. त्यामुळे जिल्हाधिकारी कार्यालयाने ८ ते १० फेब्रुवारी दरम्यान सरपंच निवडी घेण्याच्या सूचना केल्या. मात्र काही ग्रामपंचायतींच्या सरपंच आरक्षणासंदर्भात उच्च न्यायालयात धाव घेतल्याने निवडीचा कार्यक्रम पुढे ढकलण्यात आला. जिल्हाधिकाऱ्यांनी संबंधित ग्रामपंचायतीची सुनावणी घेतली. त्यानंतर तालुक्यातील सर्वच ग्रामपंचायतींच्या सरपंच, उपसरपंच निवडी २३ व २४ तारखेला होणार असल्याच्या सूचना केल्या.
त्यानुसार कराडचे तहसीलदार अमरदिप वाकडे यांनी तालुक्यातील सर्व १०४ ग्रामपंचायतींच्या सरपंच निवडी २३ व २४ रोजी घेण्याचे जाहीर केले. मंगळवार, दि. २३ रोजी सरपंच निवडी होणारी गावे पुढीलप्रमाणे : हजारमाची, किरपे, विंग, कार्वे, मुंढे, ओंड, शेरे, मालखेड, घारेवाडी, खुबी, गायकवाडवाडी, शहापूर, म्हासोली, कालवडे, साकुर्डी, जखिणवाडी, भोळेवाडी, धोंडेवाडी, पोतले, साळशिरंबे, शेवाळवाडी (म्हासोली), सवादे, केसे, घोगाव, गोटेवाडी, कोणेगाव, शिवडे, वस्ती साकुर्डी, उंब्रज, इंदोली, मरळी, तासवडे, शिरवडे, शिरगाव, वहागाव, तांबवे, खराडे, पाल, साजुर, गोळेश्वर, वारूंजी, चिखली, वाठार, कोळे, सैदापूर, येरवळे, गोटे, नांदलापूर, काले, उंडाळे, पार्ले, निगडी, बनवडी, पेरले, विरवडे, करवडी, कोडोली, गोवारे, बेलवडे हवेली.
बुधवार, दि. २४ रोजी सरपंच निवड होणारी गावे अशी : कामथी, येणके, शिंदेवाडी (विंग), जिंती, शेणोली, संजयनगर, वाघेश्वर, लटकेवाडी, गमेवाडी, बेलदरे, म्होप्रे, नांदगाव, महारुगडेवाडी, शेळकेवाडी (म्हासोली), शेवाळवाडी (उंडाळे), पाडळी केसे, टाळगाव, भुरभुशी, रिसवड, भवानवाडी, अंबवडे, खालकरवाडी, हरपळवाडी, वडगाव उंब्रज, वराडे, वडोली निळेश्वर, चोरे, खोडशी, अबईचीवाडी, नवीन कवठे, खोडजाईवाडी, कोपर्डे हवेली, बेलवडे बुद्रूक, बामनवाडी, पाचुंद, चचेगाव, वसंतगड, भरेवाडी, चौगुलेमळा, अक्काईचीवाडी, हणबरवाडी, भुयाचीवाडी, वाघेरी व सुर्ली.
ज्या त्या गावचे निवडणूक निर्णय अधिकारी सरपंच निवडीच्या सभेची नोटीस सर्व सदस्यांना देतील. त्या दिवशी सकाळी १० ते १२ या वेळेत सरपंच पदासाठी अर्ज दाखल करता येईल. त्यानंतर दोन वाजता सभेस सुरुवात होईल. त्यानंतर दाखल अर्जांची छाननी, अर्ज माघार व त्यानंतर एकपेक्षा अधिक उमेदवारांचे अर्ज निवडणूक रिंगणात राहिल्यास मतदान अशी प्रक्रिया होणार आहे.