सातारा : महाराष्ट्र नवनिर्माण सेनेचे अध्यक्ष राज ठाकरे यांच्या सदस्य नोंदणी आवाहनाला राज्यभरातून प्रतिसाद मिळाला. काही तासांतच सदस्य नोंदणी तब्बल तीन लाखांच्या पुढे झाली होती. साताऱ्यातूनही चांगला प्रतिसाद मिळाला.
साताऱ्यातील पंतांचा गोट येथे शहराध्यक्ष राहुल पवार यांच्या नेतृत्वाखाली सदस्य नोंदणीस प्रारंभ करण्यात आला. नोंदणीचे स्वरूप ऑनलाइन, मिस कॉल, बार कोड स्कॅन तसेच प्रत्यक्ष फॉर्म भरून नोंदणी करणे असे होते. याप्रमाणे साताऱ्यात प्रत्यक्ष फॉर्म भरून नोंदणी झाली. महिलांनीही उत्स्फूर्त प्रतिसाद दिला.
या वेळी राहुल पवार म्हणाले, ‘महाराष्ट्राच्या प्रगत, उज्ज्वल भवितव्यासाठी जास्तीत जास्त नागरिकांनी सदस्य नोंदणीमध्ये सहभागी व्हावे.’
या वेळी मुश्ताक बोहरी, शहर उपाध्यक्ष भरत रावळ, अझहर शेख, वैभव वेळापुरे, दिलीप सोडमिसे, विभाग अध्यक्ष गणेश पवार, सागर पवार, शाखा अध्यक्ष चैतन्य जोशी, अविनाश भोसले, सौरभ कोरडे, राज पुजारी उपस्थित होते.
फोटो
१४मनसे
साताऱ्यात रविवारी महाराष्ट्र नवनिर्माण सेनेच्या सदस्य नोंदणीस प्रारंभ झाला. या वेळी शहराध्यक्ष राहुल पवार, मुश्ताक बोहरी, भरत रावळ, अझहर शेख, वैभव वेळापुरे उपस्थित होते.