Lok Sabha Election 2019 प्रचारात रंगतंय ‘मानापमान’ नाट्य

कºहाड : सातारा लोकसभा मतदार संघातील प्रचार सध्या शिगेला पोहोचलाय. आरोप, प्रत्यारोपांच्या फैरी झडू लागल्यात. कोणी कॉलर उडवतंय, डायलॉग मारतंय तर कोणी मिशांवर ताव मारतंय; पण या साऱ्या रणधुमाळीत ‘मानापमान’ नाट्यही पाहायला मिळतंय बरं ! अन् नाराजांची ‘मनधरणी’ करताना उमेदवारांसह नेत्यांची दमछाक होताना दिसतेय.मतदार हा राजा असतो. याची प्रचिती या निवडणुकीच्या निमित्ताने पक्षाच्या नेत्यांना अन् उमेदवारांना येताना दिसतेय. निवडणुका झाल्या की कार्यकर्त्यांकडे दुर्लक्ष होते. असा साऱ्यांचाच अनुभव मग याचा राग काढण्याची अचूक संधी म्हणजे निवडणूक ! गतवेळी किटलीतून चहा घेऊन आलेल्या एकाला यावेळी कºहाड-पाटणमध्ये त्याची ‘उत्तम’ प्रचिती आली; पण ते सध्या रिंंगणात दिसत नाहीत. हा भागवेगळाच.विद्यमान खासदार उदयनराजे भोसले हे पुन्हा एकदा घड्याळाचा गजर करण्यासाठी मैदानात उतरलेआहेत. मात्र, त्यांचाही कºहाड-पाटणला लोकसंपर्क कमी राहिल्याने आता त्यांना मेळ घालताना कसरत करावी लागतीय. तर प्रमुख विरोधक असणारा सेनेचा उमेदवार नरेंद्र पाटील हे तर नवीन असल्याने त्यांना श्रीगणेशा करावा लागला आहे. ही कसरत करीत असताना कार्यकर्त्यांचे रुसवे-फुगवे काढताना अनेक वेगळेच अनुभव डोकेदुखी देत आहेत.‘उमेदवार आमचा अन् रुबाब तुमचा’ कशासाठी?उदयनराजे भोसले हे राष्ट्रवादीचे उमेदवार आहेत. मात्र, कºहाड तालुक्यातील प्रचाराची सूत्रे बºयापैकी काँगे्रसच्या हातात दिसतात. त्याबरोबर नरेंद्र पाटील हे शिवसेनेचे उमेदवार असले तरी प्रचाराची बरीच यंत्रणा ही भाजप कार्यकर्त्यांच्या हातात आहे. ही बाब त्या-त्या पक्षाच्या प्रमुख कार्यकर्त्यांना खटकत आहे. ‘उमेदवार आमचा अन् रुबाब तुमचा’ कशासाठी? अशीच भावना व्यक्त होताना दिसतेय. याची डोकेदुखी उमेदवारांना होतेय.डॉक्टर मोहिते नाराजरेठरे बुद्रुक येथे नुकतीच उदयनराजे भोसले यांच्या प्रचारार्थ जाहीर सभा झाली. माजी मुख्यमंत्री पृथ्वीराज चव्हाण, राष्ट्रवादीचे आमदार बाळासाहेब पाटील, राजेश पाटील वाठारकर, अ‍ॅड. आनंदराव पाटील- उंडाळकर यांच्यासह काँगे्रस राष्ट्रवादीचे नेते व्यासपीठावर होते. कृष्णेचे माजी अध्यक्ष अविनाश मोहिते यांनी या कार्यक्रमासाठी पुढाकार घेतला होता. येथे अविनाशदादा व इंद्रजितबाबा एका व्यासपीठावर येतील, अशी चर्चा होती. मात्र, डॉक्टर मोहितेंनी सभेकडे पाठ फिरवली. त्यांची नाराजी ओळखून पृथ्वीबाबा अन् उदयनराजे त्यांना निवासस्थानी भेटायला गेले; पण नाराजीचे नेमके कारण काय? याबाबत कृष्णाकाठावर उलट-सुलट चर्चा सुरू आहेत.आता कुठे सैनिक प्रचारात सक्रियकोल्हापूरच्या जाहीर सभेत पंतांच्या साक्षीने नरेंद्र पाटलांना सेनेच्या ओट्यात घालण्यात आले. ‘उद्धवा अजब तुझे कौशल्य’ याची प्रचिती आली; पण ओट्यात घेतलेला हा उमेदवार शिवसैनिकांच्या लगेच्या लगेच पचनी पडणार तरी कसा? अनेक पदाधिकारी, शिवसैनिकांची तर पाटलांची ओळखही नाही. या साºयांना सामावून घेताना पाटलांना बराच वेळ घालवायला लागला. आता कुठे सैनिक प्रचारात सक्रिय झाल्याचे दिसताहेत.जयाभाऊंची मनधरणी होईनासाताºयात ‘आघाडीधर्म’ पाळणाºया काँगे्रसच्या आमदार जयकुमार गोरेंनी माढ्यात मात्र ‘मैत्रीपर्व’ जपण्याचा निर्णय घेतलाय. सातारा जिल्ह्यातील काँग्रेस आमदारांची ही भूमिका साहजिकच माजी मुख्यमंत्री पृथ्वीराज चव्हाण यांच्यासाठी ‘डोकेदुखी’ ठरतेय. त्यामुळे दोन दिवसांपूर्वी पृथ्वीबाबा अन् जयाभाऊ यांचा कºहाडात ‘संगम’ झाला. चव्हाणांनी गोरेंना माढ्यातही आघाडी धर्म पाळण्याच्या सूचना केल्या खºया; पण राष्ट्रवादीच्या कूरघोड्यांचा पाढा गोरेंनी वाचला. त्यामुळे जयाभाऊंची मनधरणी होईना, अशीच स्थिती आहे.