शिरवळ : नायगाव हद्दीमध्ये घराच्या आडोश्याला दारूची चोरटी विक्री केल्याप्रकरणी पती-पत्नीविरुद्ध शिरवळ पोलीस ठाण्यात गुन्हा दाखल केला आहे. यावेळी पोलिसांनी दोन कँनसह तब्बल १०५ लिटर हातभट्टी दारूसह तब्बल ३ हजार १५० रुपयांचा मुद्देमाल जप्त केला आहे.
पोलिसांनी दिलेली माहिती अशी की, नायगाव हद्दीत हातभट्टी दारूची विक्री होत असल्याची माहिती पोलीस निरीक्षक उमेश हजारे यांना मिळाली. त्यानुसार पोलिसांनी संबंधित ठिकाणी छापा टाकला असता रवींद्र मदन कुंभार व पत्नी मीना हातभट्टी दारूविक्री करत असल्याचे निदर्शनास आले. पोलिसांची चाहूल लागताच दोघांनी शेजारील उसाच्या शेतात पलायन केले.
शिरवळ पोलीस ठाण्यात दोघांविरुद्ध गुन्हा दाखल करण्यात आला आहे.
पोलीस हवालदार स्वप्नील दौंड यांनी फिर्याद दिली. सहायक पोलीस उपनिरीक्षक पांडुरंग हजारे तपास करीत आहेेेत.