सातारा : सासपडे (ता. सातारा) येथे एका पत्र्याच्या शेडच्या आडोशाला सुरू असणाऱ्या जुगार अड्ड्यावर बोरगाव पोलिसांनी छापा टाकून पाचजणांना ताब्यात घेतले. त्यांच्याकडून जुगाराचे साहित्य, रोख रक्कम व दोन दुचाकी असा सुमारे ९२ हजार १७० रुपयांचा ऐवज जप्त करण्यात आला आहे. ही कारवाई बुधवारी सायंकाळी करण्यात आली.
तानाजी नाना पवार (वय ७२), रवींद्र यशवंत पवार (वय ५४), साहेबराव गंगाराम लोहार (वय ६३), राजेंद्र उत्तम यादव (वय ५०), प्रदीप कृष्ण यादव (वय ४७), राजेंद्र रामचंद्र ढाणे (वय ५८) अशी पोलिसांनी ताब्यात घेतलेल्या संशयितांची नावे आहेत. हे सर्वजण सासपडे येथील लोहार आळीमध्ये तानाजी पवार यांच्या घराच्या बाजूला असलेल्या पत्र्याच्या उघड्या शेडमध्ये जुगार खेळत होते. त्याचवेळी बोरगाव पोलिसांनी तेथे छापा टाकला.