महाबळेश्वर : मराठी माणसांच्या न्याय्य हक्कांसाठी स्थापन झालेल्या शिवसेनेने प्रारंभापासून सर्वसामान्य मराठी माणसांचे नेतृत्व केले आहे. त्यांच्या प्रश्नांना वाचा फोडून ते प्रश्न सोडविण्यासाठी शिवसेना कायम आक्रमक राहिली आहे. अशा संघटनेचे आम्ही मावळे असल्याचा आम्हाला सार्थ अभिमान आहे अशा आपल्या भावना जिल्हा प्रमुख यशवंत घाडगे यांनी व्यक्त केल्या.
शिवसेनेचे सातारा जिल्हा प्रमुख यशवंत घाडगे व माजी जिल्हा प्रमुख राजेश कुंभारदरे आदी मान्यवरांच्या उपस्थितीत महाबळेश्वर येथे शिवसेनेचा ५५ वा वर्धापनदिन साध्या पध्दतीने साजरा करण्यात आला. यावेळी ते बोलत होते.
येथील हनुमान मंदिरात महाबळेश्वर शिवसेना शाखेच्या वतीने शिवसेनेचा ५५ वा वर्धापनदिन साजरा करण्यात आला. प्रारंभी छत्रपती शिवाजी महाराज यांच्या प्रतिमेला शिवसेना सातारा जिल्हा प्रमुख यशवंत घाडगे व माजी जिल्हा प्रमुख राजेश कुंभारदरे यांच्या पुष्प्हार घालून त्यांना अभिवादन करण्यात आले.
कार्यक्रमास नगरसेवक संजय पिसाळ, शहर प्रमुख राजेश वागदरे, शहर प्रमुख महेश गुजर, राजेंद्र पंडित, राजेश सोंडकर, बंडू फळणे, प्रशांत मोरे, ताथवडेकर आदी उपस्थित होते.