लोकमत न्यूज नेटवर्क
वाई : वाईच्या पश्चिम भागातील चुरशीच्या लढतीमुळे लक्षवेधी निवडणूक ठरलेल्या गाढवेवाडी-मांढरेवाडी ग्रामपंचायतीच्या सरपंच व उपसरपंचपदाच्या निवडी नुकत्याच पार पडल्या. सरपंचपदी पूनम राहुल भिलारे व उपसरपंचपदी संगीता सुरेश गाढवे तर नीतल पाटणे, हणुमंत मांढरे व वैभव गाढवे यांची सदस्य म्हणून निवड झाली.
नूतन सरपंच पूनम भिलारे म्हणाल्या, ‘आमदार मकरंद पाटील यांच्या मार्गदर्शनाखाली पुढील काळात आम्ही सर्वजण गावाच्या विकासासाठी सदैव तत्पर राहू व सर्वांना एकत्र घेऊन गावाची प्रगती साधू, गावाच्या विविध विकासकामांबरोबर महिला सक्षमीकरण यावरही विशेष परिश्रम घेऊ.’
यावेळी निवड झालेल्या उमेदवारांचे मान्यवरांच हस्ते सत्कार करण्यात आला. यावेळी अशोक पाटणे, सुरेश गाढवे, अशोक गाढवे, बबन गाढवे, बळवंत सणस, प्रकाश सणस, अमोल सणस, भरत चिकणे, सुंदर भिलारे, प्रकाश भिलारे, संतोष भिलारे, शिवाजी भिलारे, सुनील भिलारे, भिकाजी गाढवे, अशोक पाटणे, रामचंद्र चिकणे, योगेश चिकणे, संदीप चिकणे, राहुल भिलारे, भगवान मांढरे, भगवान गाढवे, आनंदराव गाढवे, राजेंद्र गाढवे, श्रीरंग जाधव, बाजीराव जाधव, प्रभाकर जाधव, मारुती मांढरे, नाना मांढरे आदी उपस्थित होते.
११वाई
छायाचित्र : गाढवेवाडीच्या उपसरपंच संगीता गाढवे यांचा नीतल पाटणे यांनी सत्कार केला.