मोर्चा, घोषणांनी दणाणला सातारा

जिल्हाधिकारी कार्यालय, जिल्हा परिषद : लाल बावट्यांनी गाजविला दिवस..!सातारा : राष्ट्रीयीकृत बँक कर्मचाऱ्यांचा संप, मोर्चा, सिटूची निदर्शने, अंगणवाडी सेविकांचा मोर्चा, ग्रामपंचायत कर्मचाऱ्यांची घोषणाबाजी असे दणाणून सोडणारे वातावरण आज शहरात होते. आमच्या मागण्या मान्य करा नाहीतर खुर्च्या खाली करा, एक रुपयांचा कडीपत्ता सरकार झाले बेपत्ता आदी घोषणांनी जिल्हाधिकारी कार्यालय आणि जिल्हा परिषद परिसर कर्मचाऱ्यांनी दणाणून सोडला. बेकायदेशीर इमारती, गाळा बांधकामाची चौकशी करासातारा : खेड ग्रामपंचायत हद्दीतील बेकायदेशीर इमारती आणि गाळा बांधकामाची चौकशी करण्याची मागणी एका निवेदनाद्वारे जिल्हाधिकारी अश्विन मुदगल यांच्याकडे झाली आहे.याबाबतचे निवेदन रिपब्लीकन पार्टी आॅफ इंडिया (आठवले गट) जिल्हा उपाध्यक्ष दादासाहेब ओव्हाळ यांनी दिले असून त्यामध्ये म्हटले आहे की, न्यू विकास नगर येथील अनिल कांबळे यांच्या शेजारी असणाऱ्या प्लॉट नंबर ९0 चे बांधकाम हे टीपी प्लान प्रमाणे झालेले नाही. त्यांच्यावर कारवाई करावी. कोयना सहकारी गृहनिर्माण संस्थेच्या सभासदांनी राखीव खुल्या भुखंडावर बांधकाम करून अनधिकृत गाळे काढले आहेत. येथील सभासदांवर गुन्हे दाखल करावेत. विसावा नाका येथील गुलमोहर प्लाझा या अनधिकृत अपार्टमेंटमध्ये तळघराची मान्यता असूनदेखील तेथे गाळे काढलेले आहेत. येथे सेटबॅक नसल्याने नागरिक, वाहनांना रहदारी करताना त्रास सहन करावा लागत आहे. त्यामुळे यामध्ये सहभागी असणारे आणि कायद्याचे उल्लंघन करणाऱ्यांवर तत्काळ कारवाई करण्याची मागणीही या निवेदनात करण्यात आली आहे. या निवेदनाच्या प्रती खेड सरपंच, ग्रामविकास अधिकारी आणि खेड ग्रामपंचायतीला देण्यात आल्या आहेत. (प्रतिनिधी) सातारा : सर्वोच्च न्यायालयाच्या निर्देशानूसार जिल्ह्यातील सर्व नगरपालिकांमध्ये राष्ट्रीय फेरीवाला धोरणाची अंमलबजावणी करा तसेच प्रत्येक नगरपालिकांमध्ये शहर फेरीवाला समिती कार्यान्वीत करून त्याची बैठक घेण्याची मागणी करत सर्वधर्मीय सुशिक्षीत बेरोजगार हॉकर्स संघटनेच्यावतीने जिल्हाधिकारी कार्यालयासमोर निदर्शने केली. यावेळी शासनाच्या विरोधात जोरदार घोषणाबाजी करण्यात आली.यावेळी जिल्हाधिकारी अश्विन मुदगल यांना देण्यात आलेल्या निवेदनात म्हटले आहे की, सर्वोच्च न्यायालाच्या आदेशानुसार आणि शासन निर्णयानुसार जिल्ह्यातील सर्वच नगरपालिकांमध्ये फेरीवाल्यांना न्याय मिळावा यासाठी पाठपुरावा करण्यात आला आहे. जिल्हाधिकाऱ्यांनी याबाबत बैठक घेतल्यानंतरही त्याची कार्यवाही झालेले नाही.सर्व नगरपालिकांमध्ये राष्ट्रीय फेरीवाला समितीच्या निर्णयांची अंमलबजावणी करावी अशी मागणी करून फेरीवाल्यांनी म्हटले आहे की, सर्व नगरपालिका कार्यक्षेत्रात हॉकर्स झोन निश्चित करावा. अधिकारी आणि हॉकर्स संघटनेच्या पदाधिकाऱ्यांनी एकत्रित सर्वेक्षण करून हॉकर्सना परवाने देण्यात यावेत. हॉकर्ससाठी आवश्यक त्या सोयीसुविधा उपलब्ध करून देण्यात याव्यात, आदी मागण्याही यावेळी करण्यात आल्या.निवेदनावर जिल्हाध्यक्ष लक्ष्मण निकम, शहराध्यक्ष संजय पवार, संघटक सुनील शिवदास, जिल्हा सरचिटणीस कॉ. शामराव चिंचणे, जावेद नायकवडी, युसूफ बागवान, सलीम शेख, सुनील बेलोशे, राजमहमंद पन्हाळकर, अशोक शिंदे, युवराज माने आदींच्या सह्या आहेत. (प्रतिनिधी)हॉकर्सवर कारवाई करू नका...राष्ट्रीय फेरीवाला धोरणाची परिपूर्ण अंमलबजावणी होईपर्यंत जिल्ह्यातील कोणत्याही हॉकर्सवर नगरपालिका व शासनाच्या विभागाने कारवाई करू नये. बॉम्बे रेस्टॉरंट तसेच त्रिशंकू भागातील हॉकर्सना शासन निर्णय लागू करावेत, आदी मागण्याही या निवेदनात करण्यात आल्या आहेत. दरम्यान, हॉकर्सच्या मागण्यांचा विचार नाही झाला तर प्रजास्ांत्ताकदिनी जिल्हाधिकारी कार्यालयासमोर निदर्शने करण्याबरोबरच जेलभरो आंदोलन करण्यात येणार असल्याचा इशाराही यावेळी देण्यात आला.फेरीवाला धोरणाची अंमलबजावणी करा