कवठे परिसराला अवकाळी पावसाने झोडपले

साडेपाच ते साडे सहा या वेळात जोरदार पाऊस

 कवठे : आज कवठे परिसरात जोशी विहीर ते वेळे या परिसरात सायंकाळी साडेपाच ते साडे सहा या वेळात जोरदार पाऊस झाला. आज सकाळपासूनच हवेमध्ये प्रचंड उकाडा होता व आभाळ झाकोळले होते. सायंकाळी जोरदार वारे व पाऊस सुरु झाला; परंतु थोडयाच वेळात वा-याचा वेग मंदावला आणि पावसाला सुरुवात झाली. सुमारे एक तास पडत होता . या पावसाने कोणतेही नुकसान झाले नसून दिवसाआड पाऊस पडत असल्याने हा नक्की पावसाळा आहे की उन्हाळा याबाबत लोकामध्ये संभ्रम निर्माण झाला आहे. तसेच जोरदार वार्‍याने व वाकडा तिकडा येत असल्याने गटारे तुडुंब भरून गटारांचे पाणी लोकांच्या घरात घुसत आहे. या आठवड्यातील हा चौथा पाऊस असल्याने व जमीन थंड होत असल्याने पावसाळ्यासाठी आवश्यक असणारा उष्मा तयार न झाल्यास याचा पावसाळ्यावर विपरीत परिणाम होऊ शकतो. परिणामी पावसाळी पाऊस कमी झाल्यास दुष्काळाचे सावट येऊ शकतात या भीतीने येथील शेतकरी चिंंताग्रस्त झाला आहे. (वार्ताहर)