खटाव : संयुक्त मोर्चाच्या वतीने पुकारण्यात आलेल्या भारत बंदच्या हाकेला खटावमध्ये उत्स्फूर्तपणे प्रतिसाद मिळाला.
केंद्र सरकारच्या उदासीन धोरणामुळे देशाची अर्थव्यवस्था पूर्णपणे ढासळत चालली आहे. वाढती महागाई, गॅस दरवाढ व पेट्रोल व डिझेलच्या रोज वाढत असलेल्या किमती तसेच कृषी कायदा विरोधात चार महिन्यांपासून शेतकरी संघटनांच्या सुरू असलेल्या आंदोलनास पाठिंबा देण्यासाठी खटावमधील राष्ट्रवादी काँग्रेसच्या वतीने बंदचे आवाहन केले होते. खटावमधील व्यापारी तसेच व्यावसायिकांनी चांगला प्रतिसाद दिला.
अत्यावश्यक सेवा वगळता सर्व व्यवहार दुपारपर्यंत शटरडाऊन करून बंद करण्यात आल्यामुळे नेहमी गजबजलेल्या मुख्य बाजारपेठेमध्ये सकाळपासूनच शुकशुकाट दिसून येत होता.
कॅप्शन : २६खटाव बंद
खटावमधील व्यापाऱ्यांनी शुक्रवारी बंदला उत्स्फूर्त प्रतिसाद दिला. (छाया : नम्रता भोसले)