विद्यार्थ्यांना एसटीत बसवतात गुरुजी!

देऊरचे मुधाई हायस्कूल : परगावच्या प्रत्येक मुलाच्या सुरक्षेसाठी शिक्षकांवर विशेष जबाबदारी-- अशी ही शाळा- जगावेगळी

संजय कदम-- वाठार स्टेशन शाळा सुटल्यानंतर विद्यार्थी कोठे जातो, कसा जातो याकडे कोणतीही शाळा विशेष लक्ष देत नाही. अनेक मुलं बसस्थानकात एसटीच्या मागे धावताना पालकांच्या काळजाचा ठोका चुकतो; पण याला देऊरचे मुधाई हायस्कूल अपवाद आहे. परगावच्या मुलांना एसटीत सुरक्षितपणे बसविण्याची जणू जबाबदारीच या शाळेने घेतली आहे. यासाठी दररोज एका शिक्षकाची ड्यूटी लावली जात असून, शेवटचा विद्यार्थी एसटीत बसल्याशिवाय गुरुजीही बसस्थानक सोडत नाहीत.देऊर शाळेचा हा प्रयोग २००२ पासून अखंड सुरू आहे. रस्त्यावरील वाहनांची वाढती संख्या व अपघात यामुळे पालकांच्या मनात विद्यार्थ्यांच्या सुरक्षित प्रवासाची भेडसावणारी काळजी याचा विचार करून शाळेने देऊरच्या बसस्थानकावर दररोज एका शिक्षकाला वाहतुकीचे नियमन करून विविध मार्गावरील एसटीतून विद्यार्थी पाठविण्याची जबाबदारी सोपविली आहे. देऊरच्या मुधाई हायस्कूलमध्ये व्यवसाय शिक्षण देण्याच्या उद्देशाने या संस्थेने व्यवसाय शिक्षण अभ्यासक्रम सुरू केला आहे. याशिवाय इंग्लिश मीडियम स्कूल सुरू केले आहे. तसेच शेती,आटर््स, सायन्स, कॉमर्स या विभागांतून शिक्षण दिले जाते. प्रा. संभाजीराव कदम महाविद्यालयात पदवीपर्यंतचे शिक्षण दिले जाते. त्यामुळे येथे तालुक्याच्या विविध भागांतून विद्यार्थी येतात. यामध्ये फलटण, खंडाळा, सातारा व कोरेगाव तालुक्यांतून १,७५८ विद्यार्थी शिक्षण घेतात. बसस्थानकात वेगवेगळ्या मार्गावर जाणाऱ्या मुलांच्या रांगा बसस्थानकात लावल्या जातात. एसटी आल्यानंतर गोंधळ न घालता मुलं रांगेतून एसटीत चढतात. त्यामुळे कोणालाही धक्काबुक्की नाही. ज्येष्ठ नागरिक, तरुणींना त्रास होत नाही.याशिवाय अनेक उपक्रम राबविले जातात. यामध्ये दहावी ते पदवीपर्यंतच्या ‘कॉफी पकडा, एक हजार मिळवा’ अशी घोषणाच केली आहे. हस्तलिखित निर्मिती, फटाकेमुक्त दिवाळी, आरोग्य तपासणी, वृक्षारोपण, इको फ्रेंडली होळी, लेझिम, झांज पथक, घर तेथे अभ्यासिका, दत्तक पालक योजना, डॉ. मधुकर ओझर्डे जिल्हास्तरीय वक्तृत्व स्पर्धा, किल्ले स्पर्धा घेतली जाते.संस्थापक विश्वस्त प्रा. संभाजीराव कदम व त्यांना साथ देणारे संस्थेचे अध्यक्ष धैर्यशील पवार, अध्यक्ष भीमराव कदम, सचिव हणमंतराव कदम, विश्वस्त किसनराव कदम, सर्जेराव कदम, अ‍ॅड. संजीव कदम, पुरुषोत्तम माने, धनसिंग कदम, देवेंद्र कदम, समीर चव्हाण, अरविंद कदम, रवींद्र कदम, राजेंद्र कदम, दत्तात्रय शिंदे, प्रवीण कदम यांचा सिंहाचा वाटा आहे. देऊरच्या मुधाई हायस्कूलने १९५६ पासून गुणवत्ता पूर्ण शिक्षण देण्याची भूमिका घेतली आहे. त्यामुळे येथे अनेक गुणवंत घडविले आहेत. ग्रामीण भागातील अडचणींवर मार्ग काढत शाळेचा गुणात्मक आलेख चढता राहिला आहे. - विजयसिंह गायकवाड, प्राचार्यशाळा वापरते स्वत:ची वीजमुधाई शिक्षण संस्थेच्या प्रा. संभाजीराव कदम महाविद्यालयाने २०१२-१३ या वर्षात दहा केवी वीज निर्मितीचे उद्दिष्ट ठेवून या महाविद्यालयाच्या प्रांगणात २ हायब्रिड युनिट जोडली आहेत. यासाठी २५ लाखांचा खर्च आला. त्यापैकी १५ लाखांचे अनुदान केंद्रातून मिळाले आहे. तर ९ ते १० लाख रुपये संस्थेने खर्च केले आहेत. चार वर्षांत या माध्यमातून जवळपास १.४८ लाखांची वीज बचत करण्यात आली आहे शिवाजी विद्यापीठातील हा बहुदा पहिलाच प्रयोग आहे.