वाई : जागतिक महिला दिनानिमित्त सोमवार, दि. ८ रोजी येथील गीतांजली मल्टिस्पेशालिटी हॉस्पिटल, अक्षय मेमोग्राफी युनिट आणि रोटरी क्लब ऑफ वाई यांच्या संयुक्त विद्यमाने स्रियांसाठी मोफत आरोग्य सल्ला व सवलतीच्या दरात तपासणी सप्ताह आयोजित केला आहे.
हा सप्ताह दि. ८ ते १५ मार्च या कालावधीत साजरा केला जाणार आहे. यानिमित्ताने सकाळी दहा ते दुपारी दोन या वेळेत स्री आरोग्यतज्ज्ञांकडून तपासणी व मार्गदर्शन केले जाणार आहे.
त्यामध्ये मॅमोग्राफी/सोनोग्राफी म्हणजेच गर्भाशयाच्या मुखाचा कर्करोगनिदान तपासणी होणार आहे. या रोगांचे प्रमाण कमी होण्यासाठी व महिलांच्या उत्तम आरोग्यासाठी रोगपूर्व निदान व जागृतीसाठी हे शिबिर आयोजित केले आहे.
रोटरी क्लब ऑफ वाईचे अध्यक्ष अजित क्षीरसागर व गीतांजली मल्टिस्पेशालिटी हॉस्पिटल व अक्षय मॅमोग्राफीच्या संचालिका संजीवनी कद्दू यांनी महिलांना आवाहन केले आहे. ज्या महिलांना शस्रक्रिया करण्याची आवश्यकता असेल त्यांच्या शस्रक्रिया शिबिरात मोफत केले जाणार आहे. तरी वाई व परिसरातील सर्व महिलांनी या तपासण्यांचा व आरोग्य शिबिराचा लाभ घ्यावा व आपली नाव नोंदणी लवकरात लवकर करावी, असे आवाहन केले आहे. (वा.प्र.)