कऱ्हाड : यशवंतराव मोहिते कृष्णा सहकारी साखर कारखान्याची निवडणूक २९ जूनला होत आहे. या निवडणुकीत अर्ज दाखल केलेल्या उमेदवारांना माघारीसाठी १७ जूनपर्यंत मुदत आहे. दरम्यान, बुधवारी गट नंबर दोनमधील चार उमेदवारांनी आपले उमेदवारी अर्ज मागे घेतले आहेत.
कृष्णा कारखाना निवडणुकीत तिरंगी लढतीची शक्यता निर्माण झाली आहे. सहकार, रयत व संस्थापक अशा तीन पॅनेलमध्ये ही निवडणूक होऊ शकते. त्यामुळे नक्की कोणाचे उमेदवारी अर्ज कोणत्या पॅनेलमधून राहणार? कोणाचे अर्ज माघारी घेतले जाणार याची उत्सुकता लागून राहिली आहे.
दरम्यान, बुधवारी गट नंबर दोनमधून नरेंद्र पाटील (जखीणवाडी) दिग्विजय थोरात (कार्वे) चंद्रकांत पाटील (काले )नानासो पाटील (काले) या चार उमेदवारांनी आपले अर्ज मागे घेतले आहेत.