परळी : ‘परळी दऱ्याखोऱ्यातील कोरोनाचा वाढता प्रभाव आरोग्य केंद्रातील सर्वच कर्मचाऱ्यांनी मोठ्या साहसाने तोंड देत हद्दपार केला आहे. लोकांनी निसंकोचपणे लसीकरणात सहभागी व्हावे,’ असे आवाहन वैद्यकीय अधिकारी डॉ. सचिन यादव यांनी केले.
परळी प्राथमिक आरोग्य केंद्रात लसीकरणाला प्रारंभ करण्यात आला. यावेळी ते बोलत होते. परळी प्राथमिक आरोग्य केंद्रात सीताराम सावळू निपाणे (रा. निगुडमाळ) या ज्येष्ठ नागरिकास प्रथम लस देऊन लसीकरणास प्रारंभ करण्यात आला. यावेळी पंचायत समिती उपसभापती अरविंद जाधव, पंचायत समिती सदस्या विद्याताई देवरे, परळीचे सरपंच बाळासाहेब जाधव, उपसरपंच नंदकुमार धोत्रे, डॉ. उर्मिला बनगर उपस्थित होत्या.
यामध्ये ग्रामस्थांचेही सहकार्य होते. याच पार्श्वभूमीवर परळी येथे लसीकरणाचा प्रारंभ झाला. आठवड्यातील सोमवार, बुधवार, शुक्रवार या दिवशी कोरोना लसीकरण करण्यात येईल. यावेळी परळी येथील ग्रामपंचायत सदस्य, ग्रामस्थ उपस्थित होते.
०८परळी
परळी प्राथमिक आरोग्य केंद्रात सीताराम सावळू निपाणे (रा. निगुडमाळ) या ज्येष्ठ नागरिकास प्रथम लस देऊन लसीकरणास प्रारंभ करण्यात आला.