कठडे उभारावे (फोटो : ०१इन्फोबॉक्स०१)
तांबवे : पोतले ते येणके गावांना जोडणाऱ्या फरशी पुलाची दुरवस्था झाली आहे. पुलाचे संरक्षक कठडे ढासळले असून, अनेक लहान-मोठे अपघात होत आहेत. याठिकाणी नवीन पूल उभारण्यात आला आहे. मात्र, अद्याप त्याचे काम पूर्ण झालेले नाही. अपघात टाळण्यासाठी बांधकाम विभागाने जुन्या पुलावर संरक्षक कठडे उभारावेत, अशी मागणी होत आहे.
कठड्यांची दुरवस्था
विद्यानगर : कऱ्हाड तालुक्यातील सुर्ली घाटातील रस्त्याकडेला असणाऱ्या संरक्षक कठड्यांची दुरवस्था झाली आहे. काही ठिकाणी संरक्षक कठडे ढासळले असल्याने घाटातील वाहतूक धोकादायक बनली आहे. गुहागर-पंढरपूर राज्य मार्गावर सुर्ली घाट लागतो.
घारेवाडीत शेडची मागणी
कुसूर : घारेवाडी (ता. कऱ्हाड) येथे एसटी थांबा शेड उभारणीची मागणी शाळेतील विद्यार्थी व ग्रामस्थांतून होत आहे. याठिकाणी एसटी थांबा नसल्याने प्रवासी रस्त्याकडेला थांबत आहेत. त्यामुळे अपघाताची परिस्थिती निर्माण होत आहे. प्रवासी व विद्यार्थ्यांची सोय व्हावी, यासाठी आगार प्रशासनाने या ठिकाणी बस थांबा शेडची उभारणी करावी आणि प्रवाशांची गैरसोय थांबवावी, अशी मागणी होत आहे.