सायगाव : जावळी तालुक्यातील सोनगाव गुजरवाडी येथे गणेश विसर्जनावेळी तलावात बुडून तरुणाचा मृत्यू झाल्याची घटना घडली. हेमंत प्रकाश वाघ (वय १७, रा. कळंबे, ता. वाई) असे मृत तरुणाचे नाव आहे. आज दुपारी ही घटना घडली.
हेमंत हा गणेश विसर्जनासाठी गुजरवाडी येथील तलावाच्या ठिकाणी आला होता. यावेळी त्याचा तलावात बुडून मृत्यू झाला.त्यामुळे संपूर्ण तालुक्यात शांततेत साजरा झालेल्या श्रीगणेशोत्सवाला या दुर्दैवी घटनेमुळे काहीसे गालबोट लागले.
घटनेची नोंद कुडाळ औट पोस्ट चौकीत झाली असून घटनेचा अधिक तपास सहाय्यक पोलीस निरीक्षक जीवन माने यांच्या मार्गदर्शनाखाली कुडाळ पोलीस करीत आहेत.