सातारा : कोरेगाव तालुक्यातील रणदुल्लाबाद आणि पळशी या दोन गावांच्या मोठ्या तीन पाझर तलावांचे १०० टक्के दुरुस्तीचे काम सीएसआर निधीतून आणि ग्रामस्थांच्या लोकसहभागातून हाती घेतले आहे. त्यापैकी रणदुल्लाबाद मधील काम गेल्या एक महिन्यापासून सुरू आहे, तसेच गेल्या दोन आठवड्यातपासून पळशीमधील तलावाच्या दुरुस्तीचे काम प्रगतिपथावर सुरू आहेत. ही दोन्ही कामे गामगौरव प्रतिष्ठान (पाणी पंचायत) यांच्या मार्गदर्शनाखाली होत आहेत.
या कामामुळे दोन्ही गावच्या पिण्याच्या व शेतीच्या पाण्याचा प्रश्न कायमस्वरूपी सुटण्यास नक्कीच मदत होणार आहे. गेल्या तीन वर्षांपासून जलसंधारणाची कामे करत असताना, सीएसआर निधीबरोबरच लोकसहभागालाही खूप महत्त्व देत आहोत. कारण होणाऱ्या कामाचा परिणाम खूप चांगल्या प्रकारे दिसत आहे.
गेल्या तीन वर्षांपासून हा पॅटर्न राबवित आहे आणि येणाऱ्या काळातही पॅटर्न नियोजित गावांमध्ये राबवून इतर गावे पाणीदार करण्याचा आमचा मानस आहे. पाण्याबरोबर शेतीविषयक व शेतीपूरक व्यवसायांचे प्रशिक्षणाचे कार्यक्रम देखील राबवित आहेत. त्यामुळे पारंपरिक पद्धतीच्या शेतीमध्ये योग्य प्रकारे पीक नियोजन करून कमी खर्चात जास्त उत्पादन देणारी पिके घेतली जाऊ लागली आहेत.
सध्याच्या कोरोना काळात हे सिद्धही झाले आहे, तसेच सध्या आपणास शहरांमध्ये नोकऱ्यांची काय अवस्था आहे, हे आपल्याला वेगळे काही सांगायची गरज नाही.
नाबार्ड हवामानबदल कार्यक्रमांतर्गत पाझर तलाव लीकेज काढणे या कामासाठी प्लास्टीक कागद कागदाचा खर्च नाबार्ड बायफ पुणे जय हनुमान पाणलोट संस्था रणदुल्लाबाद यांच्यामार्फत रणदुल्लाबाद गावामध्ये दरे व भोपाळगड या दोन्ही पाझर तलावाचे खोलीकरण गाळ काढणे काम व लीकेज काढणे ग्राम गौरव प्रतिष्ठान सासवड खळद या संस्थेमार्फत केले गेले व त्यामुळे आमच्या गावात विहिरींच्या पाणीसाठ्यामध्ये वाढ होणार आहे. गावातील अर्ध्यापेक्षा जास्त भाग बागायती क्षेत्र खाली येईल व पाण्याची टंचाई दूर होईल, असे रणदुल्लाबादचे सरपंच मंगेश जगताप यांनी सांगितले.
कोट..
मी स्वतः मानव संसाधन विभागात काम करत असल्यामुळे बेरोजगारीचे प्रमाण डोळ्याने पाहतो आहे. एका जागेसाठी हजार हजार अर्ज येत असतात.
त्यामुळे आपल्या आपला रोजगार आपल्या गावांमध्ये उपलब्ध करावा लागेल.
- योगेश चव्हाण, जलमित्र दहीगाव
फोटो आहे