वाई : वाई रोटरी क्लबच्या अध्यक्षपदी दीपक बागडे तर सचिवपदी डॉ. प्रेरणा ढोबळे यांची निवड करण्यात आली आहे.
रोटरी क्लबचे अध्यक्ष अजित क्षीरसागर व सचिव डॉ. जितेंद्र पाठक यांचा कार्यकाल पूर्ण झाल्यानंतर नवीन कार्यकारिणीची निवड करण्यात आली. निकडीची गरज व सामाजिक जबाबदारी ओळखून संपूर्ण जगाला हादरविणाऱ्या कोरोना आजाराबाबत आलेल्या समस्यांचा निपटारा प्राधान्याने केला जाईल. याशिवाय आरोग्य शिबिरे, पर्यावरण संवर्धन, शाळाबाह्य मुलांचे शिक्षण, स्वयंपूर्ण खेडे निर्मिती अंतर्गत गावांचा एकात्मिक विकास साधणे, गावे साक्षर करणे आदी प्रकल्प रोटरीच्या माध्यमातून वर्षभरात राबविण्याचा मानस अध्यक्ष दीपक बागडे यांनी व्यक्त केला.
नूतन पदाधिकाऱ्यांचे स्वाती हेरकळ, डॉ. शंतनू अभ्यंकर, अजित क्षीरसागर, प्रमोद शिंदे, डॉ. दत्तात्रय घोरपडे, सुनील शिंदे ,डॉ. जितेंद्र पाठक, डॉ. सुनील देशपांडे, अनुपम गांधी, कुणाल शहा, नीला कुलकर्णी, मदन पोरे, पूरब शहा, संजीवनी कद्दू ,डॉ. रूपाली अभ्यंकर, प्रशांत इनामदार, संतोष निकम, प्रमोद चव्हाण, संजीवनी वरखडे, अश्विनी बागडे, आदींनी अभिनंदन केले.