दरम्यान, या केंद्रात सेवा बजावणाऱ्या आरोग्य कर्मचाऱ्यांचा मंत्री शंभुराज देसाई यांच्या हस्ते सत्कार करण्यात आला. यावेळी सेंटरचे आरोग्याधिकारी डॉ. सुहेल शिकलगार, डॉ. अभिजित देसाई, संतोष कुºहाडे, अजित पवार, अमर कदम, आदी उपस्थित होते.
दौलतनगर येथील कोरोना केअर सेंटरमध्ये गत तीन महिन्यांत तब्बल १०६ कोरोनाबाधित रुग्ण उपचारासाठी दाखल झाले. त्यांपैकी ६७ रुग्ण कोरोनामुक्त झाले; तर ३९ रुग्णांना पुढील उपचारासाठी अन्य रुग्णालयामध्ये हलविण्यात आले. दौलतनगरच्या सेंटर खऱ्या अर्थाने कोरोना रुग्णांसाठी वरदान ठरले. सामाजिक बांधीलकी म्हणून लोकनेते बाळासाहेब देसाई सहकारी साखर कारखाना कार्यस्थळावर राज्याचे नगरविकास मंत्री एकनाथ शिंदे यांच्या सहकार्यातून आणि गृहराज्यमंत्री शंभुराज देसाई यांच्या पुढाकारातून २० सप्टेंबर २०२० रोजी हे सेंटर रुग्णांच्या सेवेसाठी उभारण्यात आले होते.
या सेंटरमध्ये ५० ऑक्सिजन बेड, २५ नॉनऑक्सिजन बेड अशी एकूण ७५ बेडची सुविधा उपलब्ध करून देण्यात आली होती. तसेच सेंटरसाठी आवश्यक असणारे १८ वैद्यकीय अधिकारी, १७ कर्मचारी, औषधसाठा तसेच इतर आवश्यक साधनसामग्री उपलब्ध करण्यात आली होती. रुग्णांना ऑक्सिजन पुरवठा, वेळच्या वेळी चहा, नाष्टा, जेवण, औषधोपचार, अद्ययावत रुग्णवाहिका, वैद्यकीय सेवा देणाऱ्या कर्मचाऱ्यांना स्वतंत्रपणे राहण्याची व्यवस्था करण्यात आली होती.
फोटो : ०५केआरडी०३
कॅप्शन : दौलतनगर (ता. पाटण) येथील कोरोना केअर सेंटरमध्ये वैद्यकीय सेवा देणाऱ्या कर्मचाऱ्यांचा गृहराज्यमंत्री शंभुराज देसाई यांच्या हस्ते सत्कार करण्यात आला.