फलटण : कोरोनाचा वाढता प्रादुर्भाव आणि कोरोना बाधितांची वाढती संख्या विचारात घेऊन प्रांताधिकारी डॉ. शिवाजीराव जगताप यांनी संपूर्ण फलटण शहरासह तालुक्यातील आठ गावांत २ ते ८ मे दरम्यान प्रतिबंधीत क्षेत्र (कंटेन्मेंट झोन) घोषित केले आहे. दवाखाने व औषध दुकाने वगळता बँक, दूध, भाजीपाला, किराणा या अत्यावश्यक सेवांसह सर्व व्यवहार बंद ठेवण्याचे आदेश दिले आहेत.
प्रांताधिकारी डॉ. शिवाजीराव जगताप यांच्या आदेशानुसार संपूर्ण फलटण शहर आणि तालुक्यातील कोळकी, फरांदवाङी, साखरवाङी, वाठार निंबाळकर, वाखरी, जाधववाङी, विडणी आणि तरडगाव या आठ गावातील प्रतिबंधीत क्षेत्रात सर्व नियमांचे काटेकोर पालन आणि कायदा सुव्यवस्था परिस्थिती नियंत्रणात ठेवण्यासाठी पुरेसा पोलीस बंदोबस्त तैनात करण्यात करण्यात आला आहे. कोणीही घराबाहेर न पडता घरातच थांबून प्रशासनास सहकार्य करावे, असे आवाहन जगताप यांंनी केले.
प्रतिबंधीत क्षेत्रात किराणा, दूध, फळे भाजीपाला घरपोहोच देण्याची व्यवस्था करण्यात येत असून, त्यांच्या अंमलबजावणीसाठी नगरपरिषदेने खास अधिकाऱ्यांची वॉर्डनिहाय नियुक्ती केली आहे, अशी माहिती मुख्याधिकारी प्रसाद काटकर यांनी दिली आहे.
हे सर्व शहराच्या विविध भागांतील असल्याने जवळपास संपूर्ण शहरात रुग्णांची संख्या वाढत असल्याने प्रादुर्भाव रोखण्यासाठी संपूर्ण फलटण शहर प्रतिबंधीत क्षेत्र घोषित केल्याचे तसेच तालुक्यातील ८ गावातही विविध भागात बाधीत रुग्ण संख्या वाढत असल्याने प्रतिबंधीत क्षेत्र घोषित केल्याचे प्रांताधिकारी जगताप यांनी सांगितले.
चौकट :
धडकन वाढविणारे आकडे
फलटण शहरात २६ एप्रिल रोजी ६६ कोरोना बाधित आणि ८१२ सक्रिय, दि. २७ रोजी ४६ कोरोना बाधित आणि ७७८ सक्रिय, दि. २८ एप्रिल रोजी ५० बाधित आणि ७४७ सक्रिय, दि. २९ रोजी ५२ बाधित आणि ७९२ सक्रिय रुग्ण आढळले आहेत. फलटण शहरात २६ एप्रिल रोजी ६६ कोरोना बाधित आणि ८१२ सक्रिय, दि. २७ रोजी ४६ कोरोना बाधित आणि ७७८ सक्रिय, दि. २८ एप्रिल रोजी ५० बाधित आणि ७४७ सक्रिय, दि. २९ रोजी ५२ बाधित आणि ७९२ सक्रिय रुग्ण आढळले आहेत.