सातारा : जिल्ह्यात गेल्या वर्षभरात लॉकडाऊन काळातही मद्यप्रेमींनी ९२० कोटी लिटर दारू रिचवली आहे. या माध्यमातून शासनाला ११४ कोटींचा महसूल मिळाला आहे.
कोरोनामुळे अनेक व्यवसायावर विपरीत परिणाम होऊन मोठे आर्थिक नुकसान झाले आहे. मात्र दारू विक्रीवर काहीच परिणाम झालेला दिसून येत नाही. लॉकडाऊनच्या काळात बहुतांश वेळा दुकाने बंद होती. मात्र तरीसुद्धा मद्यपींनी संधी साधत दारू खरेदी केली. त्यामुळे साहजिकच शासनाच्या तिजोरीत महसूलच्या निमित्ताने भर पडली. २०१९ च्या तुलनेत २०२०-२१ या वर्षात शासनाला कमी महसूल मिळाला आहे. कोरोनामुळे बऱ्याचदा दुकाने बंद होती. त्यामुळे सकाळी सात ते अकरा या वेळेत घरपोच विक्रीला परवानगी देण्यात आली होती. या काळात सर्वाधिक दारू विक्री केली गेली. या घरपोच विक्रीलाही मद्यपींचा चांगला प्रतिसाद मिळाला. बीअरच्या तुलनेत देशी-विदेशी मद्याची जास्त विक्री झाली आहे. त्याचबरोबर उत्पादन शुल्क विभागाने जिल्ह्यात ठिकठिकाणी कारवाया केल्या. यातूनही शासनाला चांगला महसूल मिळाला आहे.
चौकट:
महसूलला दारूचा आधार
जिल्ह्यात २०१९-२० मध्ये दारू विक्रीतून शासनाला ६२० कोटी ७१ लाखांचा महसूल मिळाला आहे. तर २०२१ मध्ये ११४ कोटी ३७ लाखांचा महसूल मिळाला आहे.
दर वर्षी उत्पादन शुल्कच्या माध्यमातून शासनाला सर्वाधिक महसूल मिळतो.
कोट: जिल्ह्यात वर्षभरात दोनशेहून अधिक जणांवर अवैद्य दारू विक्री प्रकरणी कारवाई करण्यात आली आहे. अवैद्य दारू निर्मिती आणि विक्रीवर नियमित कारवाई होत असल्याने वैध दारूविक्रीच्या माध्यमातून मिळणारा महसूल यामध्ये वाढ झाली आहे. अवैध दारूविक्रीवर येणाऱ्या काळामध्येही कडक कारवाई केली जाणार आहे.
अनिल चासकर, अधीक्षक, उत्पादन शुल्क, सातारा
चौकट: दोन वर्षांतील दारूविक्री
२०२०-२१
११४ कोटी ३७ लाख
....
२०१९-२०
६२० कोटी ७१ लाख