सांगली : नांद्रे (ता. मिरज) येथे किरकोळ कारणावरुन तरुणाला काठी, लाथाबुक्क्यांनी मारहाण करुन जखमी करण्यात आले. याप्रकरणी विजय दामा हरिजन (वय २८, रा. प्रशिक चौक, सांगली) याने अक्षय गौतम ढाले, आदर्श कुरणे, अमित ढाले व शुभम सदानंत (सर्व रा. सिध्दार्थ चौक, नांद्रे) यांच्याविरोधात सांगली ग्रामीण पोलिसात फिर्याद दिली आहे.
पोलिसांनी दिलेली माहिती अशी की, फिर्यादी विजय याच्या होणाऱ्या पत्नीसोबत संशयित अक्षय हा बोलण्याचा प्रयत्न करत होता. हा प्रकार विजयच्या लक्षात आल्यानंतर त्याने वडिलांना हा प्रकार सांगितला होता. यावेळी वडिलांनी अक्षयला कानफाटीत मारली होती. याचा राग मनात धरुन संशयिताने रविवारी रात्री साडेअकराच्या सुमारास आपल्या मित्रांच्या मदतीने विजयला शिवीगाळ करत काठीने मारहाण केली. या मारहाणीत मुका मार लागल्याने विजय जखमी झाला.