विटा : ‘सायकल चालवा, पर्यावरण वाचवा’ हा संदेश घेऊन इस्लामपूरहून पंढरपूरकडे निघालेल्या सायकल वारीचे विटा शहरात आगमन झाले. त्यावेळी माजी नगराध्यक्ष वैभव पाटील यांनी पर्यावरणाचा संदेश घेऊन निघालेल्या उच्चपदस्थ तरूणांचे स्वागत केले.
कोरोनाच्या महामारीत परिस्थिती बिकट असताना श्री विठ्ठलाच्या चरणी नतमस्तक होण्यासाठी पर्यावरणाचा संदेश घेऊन इस्लामपूरच्या जगदंब ग्रुपचे कार्यकर्ते सायकलवरून पंढरपूरपर्यंत प्रवास करत आहेत. यात उच्च पदावर काम करणारे संदीप शिंदे, शशिकांत पाटील, मुकुंद वाटेगावकर, विक्रांत पाटील, प्रशांत पाटील, श्रीशल चव्हाण, डॉ. प्रशांत खरात, डॉ. विक्रांत खोत, अर्जुन पाटील, रंजित पाटील, प्रकाश ठोंबरे, विनय केंगार, अजित येडगे, अभिजीत पाटील, शंभूराजे पाटील, अनिकेत हुबाले, सचिन मोटे, सागर चव्हाण या सायकलस्वारांचा समावेश आहे.
यावेळी युवक राष्ट्रवादी कॉँग्रेसचे प्रदेश सचिव प्रा. नारायण खरजे, माजी आरोग्य सभापती फिरोज तांबोळी, माजी सभापती अविनाश चोथे, प्रा. प्रवीण गावडे यांच्यासह नागरिक उपस्थित होते.
फोटो - ११०७२०२१-विटा-सायकल वारी : विटा येथे पर्यावरणाचा संदेश घेऊन पंढरपूरपर्यंत सायकलवरून जाणाऱ्या सायकलस्वारांचे माजी नगराध्यक्ष वैभव पाटील यांनी स्वागत केले.