शिराळा
: सागाव ( ता. शिराळा) येथे कोरोनाबाधित रुग्ण विलगीकरण कक्षात न थांबता परगावी गेल्याचे आढळून आल्याने त्याच्याविराेधात शिराळा पोलीस ठाण्यात गुन्हा दाखल करण्यात आला आहे, अशी माहिती पोलीस निरीक्षक सुरेश चिल्लावार यांनी दिली.
शासनाच्या ब्रेक द चेन माेहिमेंतर्गत संचारबंदी लागू आहे. शिराळा पोलीस ठाण्याच्या हद्दीत संचारबंदीची प्रभावीपणे अंमलबजावणी करण्यात येत आहे. विनाकारण दुचाकी व चारचाकी वाहने घेऊन गावांमध्ये फिरणाऱ्या व विनामास्क फिरणाऱ्यांवर कारवाई करण्यात येत आहे. रविवारी ६ नागरिकांवर गुन्हे दाखल करण्यात आले आहेत.
सागांव येथील एक कोरोना रुग्ण विलगीकरण कक्षात न थांबता परगावी गेल्याने त्याच्यावर साथरोग प्रतिबंध कायद्यान्वये गुन्हा दाखल केला आहे. कांदे येथील अत्यावश्यक सेवेमध्ये नसलेली दुकाने सुरू ठेवल्याने दोघांवर गुन्हे दाखल केले आहेत.