राजारामबापू पुण्यतिथीनिमित्त आज विविध उपक्रम

इस्लामपूर : लोकनेते राजारामबापू पाटील यांच्या ३७ व्या पुण्यतिथीनिमित्त रविवारी राजारामबापू सहकारी साखर कारखाना कार्यस्थळावर, तसेच कासेगाव येथील पदयात्री स्मारकामध्ये विविध कार्यक्रमांचे आयोजन केले आहे. सुप्रसिद्ध वक्ते आ. अमोल मिटकरी यांचे व्याख्यान सकाळी आठ वाजता कारखाना कार्यस्थळावर होणार आहे. जलसंपदामंत्री जयंत पाटील यांच्या हस्ते सकाळी साडेसात वाजता कारखाना कार्यस्थळावर राजारामबापूंच्या पुतळ्यास अभिवादन केले जाणार आहे. यावेळी आ. मिटकरी यांचे व्याख्यान होणार आहे. कासेगाव येथील लोकनेते राजारामबापू पाटील यांच्या पदयात्री स्मारकमध्ये राजारामबापूंसमवेत काम केलेल्या जिल्ह्यातील कार्यकर्त्यांचा जयंत पाटील यांच्या हस्ते सत्कार केला जाणार आहे. हा कार्यक्रम लोकनेते राजारामबापू पाटील जन्मशताब्दी महोत्सव समितीच्या वतीने होणार आहे. रविवारी सकाळी ९ ते २ या वेळेत कासेगाव येथील प्राथमिक आरोग्य केंद्रात रक्तदान शिबिर आयोजित केले आहे.