--------------
सावळवाडीतून केबल लंपास
मिरज : सावळवाडी (ता. मिरज) येथून चोरट्याने पाच हजार रुपये किमतीची २७० फूट लांबीची केबल वायर लंपास केली. सोमवारी (दि. १०) सकाळी ही घटना उघडकीस आली. या प्रकरणी नरेंद्र आप्पासाहेब लाडे (वय ५२, रा. शिवाजीनगर, मिरज) यांनी सांगली ग्रामीण पाेलीस ठाण्यात फिर्याद दिली आहे. पोलिसांनी अज्ञातावर गुन्हा दाखल केला आहे आहे.
———
कासेगावमधून म्हैस चोरीस
कासेगाव : कासेगाव (ता. वाळवा) येथून चाेरट्याने मेढा महिसाणा जातीची म्हैस चोरून नेली. तिची किंमत ३५ हजार रुपये आहे. ही घटना रविवारी (दि. ९) घडली. या प्रकरणी शिवाजी यशवंत संदे (वय ७०, रा. कासेगाव) यांनी कासेगाव पोलीस ठाण्यात फिर्याद दिली आहे. पोलिसांनी अज्ञातावर गुन्हा दाखल केला.
———-
मौजे डिग्रजमधून मुलीचे अपहरण
सांगली : मौजे डिग्रज (ता. मिरज) येथून १६ वर्षीय अल्पवयीन मुलीचे अपहरण केल्याची घटना घडली. या प्रकरणी पीडित मुलीच्या वडिलांनी सांगली ग्रामीण पोलीस ठाण्यात फिर्याद दिली आहे. पोलिसांनी अज्ञातावर अपहरणाचा गुन्हा दाखल केला आहे.
————
काेसारीत दोघांवर शस्त्राने हल्ला
जत : कोसारी (ता. जत) येथे दोघांवर लोखंडी रॉड, चाकू, काेयत्याने हल्ला करून त्यांना जखमी करण्यात आले. अशोक विठोबा पाटील (वय ८२), प्रतीक संभाजी पाटील (१९, दोघे रा. कोसारी) अशी जखमींची नावे आहेत. मंगळवारी (दि. ११) रात्री अकराच्या सुमारास ही घटना घडली. जखमींवर सांगलीच्या शासकीय रुग्णालयात उपचार करण्यात आले.