जत : जत ते उमराणी रस्त्यावर दुचाकी व टेम्पो यांची समोरासमोर धडक होऊन झालेल्या अपघातात विश्वनाथ सिद्धाप्पा कोटी ( वय ५० रा. कोटी मळा, विजापूर रोड, जत ) हे जागीच ठार झाले. ही घटना शुक्रवारी रात्री साडेअकरा वाजण्याच्या दरम्यान जतपासून एक किलोमीटर अंतरावर असलेल्या बिज्जरगी मळा येथे घडली. याप्रकरणी जत पोलिसात रात्री उशिरा प्राथमिक नोंद करण्यात आली आहे.
विश्वनाथ कोटी हे दुचाकीवरुन (क्र. एम. एच. १०. डी. एफ. ०८३७) देवनाळहून जत येथे येत होते. यावेळी टेम्पो (क्र. एम. एच. १०. के. ६१९६) हा उमराणीहून जतला येत होता. बिज्जरगी मळा येथील धोकादायक वळणावर समोरून येणाऱ्या वाहनांचा अंदाज दोन्ही वाहन चालकाना न आल्यामुळे या दोन्ही वाहनांची समोरासमोर धडक झाली. या अपघातात विश्वनाथ कोटी यांच्या डोक्याला जबर मार बसल्यामुळे रक्तस्त्राव होऊन त्यांचा जागीच मृत्यू झाला. या प्रकरणाचा पुढील तपास पोलीस हवालदार बजरंग थोरात करत आहेत.
चौकट
हेल्मेट असते तर...
दुचाकीस्वार विश्वनाथ कोटी यांनी डोक्याला हेल्मेट घातले नव्हते. त्यामुळे त्यांच्या डोक्याला टेम्पोची धडक बसल्यामुळे गंभीर दुखापत होऊन अतिरक्तस्राव झाला. त्यामुळे त्यांचा जागीच मृत्यू झाला. जर हेल्मेट असते तर त्याचे प्राण वाचू शकले असते अशी प्रतिक्रिया नागरिकांतून व्यक्त केली जात आहे.
फोटो-१६विश्वनाथ कोटी