नेवरी (ता. कडेगाव) येथील बबन मारुती महाडिक यांना ऊस तोडणी मजूर पुरवतो असे सांगून त्यांच्याकडून विकास अमरसिंह चव्हाण (वय ४८, रा. सांगवी, ता. चाळीसगाव, जि. जळगाव) याने २० मार्च २०२० ते १९ सप्टेंबर २०२० या कालावधीत तीन लाख रुपये रोख घेतले व दोन लाख रुपये एनईएफटीने घेतले. परंतु त्यानंतर बबन महाडिक यांना ऊसतोड मजूर पुरवले नाहीत. अशा रीतीने मुकादम विकास चव्हाण याने पाच लाख रुपयांची फसवणूक केल्याबद्दल फिर्यादी बबन महाडिक यांनी शनिवारी कडेगाव पोलीस ठाण्यात गुन्हा दाखल केला.
तडसर (ता. कडेगाव) येथील सिद्धार्थ सर्जेराव पवार हे काम करीत असलेल्या कडेपूर (ता. कडेगाव) येथील यात्रा जागरी वर्क्स एलएलपी या कंपनीस ऊसतोडणीकरिता ऊसतोड मजूर व वाहने पुरवतो असे सांगून सिद्धार्थ पवार यांच्याकडून बंडू दादाराव पालकर (३८, रा. चारदरी, ता. धारूर, जि. बीड) याने २३ फेब्रुवारी २०१८ रोजी कंपनीचे तीन लाख रुपये घेतले. परंतु त्यानंतर मजूर व वाहने पुरवली नाहीत. त्यामुळे फिर्यादी सिद्धार्थ पवार यांनी शनिवारी मुकादम बंडू पालकर याने तीन लाख रुपयांची फसवणुक केल्याबद्दल कडेगाव पोलीस ठाण्यात फिर्याद दाखल केली.
अधिक तपास सहायक पोलीस निरीक्षक संदीप साळुंखे करीत आहेत.