शहरं
Join us  
Trending Stories
1
ट्रम्प सत्य सांगतील, म्हणून PM मोदी त्यांचे नाव घेत नाहीत; राहुल गांधींची बोचरी टीका
2
'काळजीपूर्वक ऐका, मोदी-ट्रम्प यांनी चर्चा केली नाही'; राज्यसभेत एस जयशंकर संतापले
3
'तेव्हा पाकिस्तानशी मैत्री नव्हती, मग सिंधू पाणी करार का केला?', जयशंकर यांनी विरोधकांना घेरले
4
ICC Rankings : अभिषेक शर्मा टी-२० चा नवा किंग; जड्डू टेस्टमधील बेस्ट ऑलराउंडर
5
Kamchatka Krai earthquake Russia: समुद्राच्या खाली एकामागोमाग एक ३० धक्के! अमेरिकेच्या समुद्र किनाऱ्यावर सहा फूट लाटा उसळल्या, जगभरात हाहाकार... 
6
५ वर्षांत ३०००% रिटर्न, पहिल्या तिमाहित नफाही दुप्पट; आता लागलं अपर सर्किट, ऑर्डर बुकही मजबूत
7
श्रावणात ४ गुरुवार: ४ कामे करा, विश्वास ठेवा; अशक्य शक्य होईल, स्वामी सोबत असतील, भिऊ नकोस…
8
पावसाचे तांडव! घरांमध्ये शिरले पाणी आणि चिखल, गाड्या दबल्या गाळात; थरकाप उडवणारी दृश्ये
9
J&K: ४८ तास, ४ कारवाया अन् ५ दहशतवादी ठार; सुरक्षा दलांना मिळाले मोठे यश
10
पहिला श्रावण गुरुवार: ८ राशींना चौफेर लाभ, भाग्याची साथ; भरघोस भरभराट, स्वामींची अपार कृपा!
11
नवरा-बायकोचा घटस्फोट, नंतर दोघांनाही आवडली एकच मुलगी, एकत्र राहू लागले अन् मग...
12
भारत-सीरिया राजकीय संबंधांच्या नव्या पर्वाला सुरुवात, भारताचा फायदा काय? समजून घ्या
13
वाढदिवसाला बारीक होण्याचा अट्टाहास ठरला जीवघेणा; १६ वर्षांच्या मुलीने 'असं' डाएट केलं अन्...
14
भर रस्त्यात कारचं पार्किंग, स्टेअरिंगवर चक्क कुत्रा! अंधेरीच्या लोखंडवालामध्ये अजब प्रकार; व्हिडिओ व्हायरल...
15
इन्स्टावर तरुणांना मेसेज पाठवायची, आणखी एका महिलेचे पाकिस्तान कनेक्शन उघड, शमा प्रवीण एटीएसच्या ताब्यात
16
ज्योतिबा डोंगरावर चोपडाई देवीची श्रावणषष्ठी यात्रा सुरू; पहा आईचे विलोभनीय रूप!
17
Kamchatka Tsunami : जगाचा छोटासा कोपरा बनला भूकंपाचा अड्डा, एका झटक्यात 'या' १२ देशांना हादरवलं! त्सुनामीचा अलर्ट जारी
18
भारताच्या 'या' राज्यात तब्बल २७७९ पुरुषांनी केलेत दोनपेक्षा अधिक विवाह! सरकारी योजनेतून झाला मोठा खुलासा
19
महिलेचा कारनामा, एकाच वेळी २० युवकांना लावला चुना; प्रेमात फसवून प्रत्येकाकडून iPhone घेतले, मग...
20
रशियात भीषण भूकंपानंतर महाप्रलय; त्सुनामीमुळे प्रशांत महासागर खवळला, भारताला बसू शकतो फटका?

तासगावात महाविकास आघाडीचे त्रांगडे

By लोकमत न्यूज नेटवर्क | Updated: June 9, 2021 04:35 IST

दत्ता पाटील तासगाव : तासगाव नगरपालिका निवडणुकीच्या पार्श्वभूमीवर शहरातील सर्वच राजकीय पक्षांनी तयारीला सुरुवात केली आहे. राज्याच्या महाविकास ...

दत्ता पाटील

तासगाव : तासगाव नगरपालिका निवडणुकीच्या पार्श्वभूमीवर शहरातील सर्वच राजकीय पक्षांनी तयारीला सुरुवात केली आहे. राज्याच्या महाविकास आघाडीत एकत्रित नांदत असलेल्या राष्ट्रवादी, काँग्रेस आणि शिवसेना या तीन पक्षांचे नगरपालिकेच्या निवडणुकीत मात्र त्रांगडे झाल्याचे चित्र सध्यातरी दिसून येत आहे. राष्ट्रवादीची ‘एकला चलो रे’ची भूमिका दिसून येत असून, काँग्रेस आणि शिवसेनेने मात्र सूर जुळवल्याचे दिसत आहे.

तासगाव नगरपालिकेत भाजपची सत्ता आहे. विरोधी बाकावर राष्ट्रवादी आहे. गत निवडणुकीत शिवसेना अस्तित्वशून्य होती. काँग्रेसने राष्ट्रवादीशी फारकत घेऊन स्वबळावर निवडणूक लढवून उपद्रवमूल्य दाखवून दिले होते. यावेळी नगरपालिका निवडणुकीत अनेक समीकरणे बदलली आहेत. भाजपचे खासदार संजयकाका पाटील यांनी अनेक विकासकामे करून मांड पक्की केली आहे. त्यामुळे खासदार गटाला पुन्हा एकदा नगरपालिकेत भाजपचा झेंडा फडकणार असा आत्मविश्वास आहे. त्यामुळे भाजपचे नगरसेवक सध्यातरी मी पुन्हा येणार, याच अविर्भावात आहेत.

विरोधी बाकावर असणाऱ्या राष्ट्रवादीचा गेल्या पाच वर्षांत विरोधक म्हणून प्रभाव पडला नाही. मात्र राज्यात सत्तेत आल्यामुळे, राज्यातील सत्तेच्या वरदहस्तच्या जिवावर नगरपालिकेची सत्ता सहज ताब्यात येईल, या अविर्भावात राष्ट्रवादीचे कारभारी असल्याचे दिसतात. त्यामुळे महाविकास आघाडीचे कडबोळे न घेता त्यांनी शिवसेना आणि काँग्रेसपासून फारकत घेत स्वबळावर नगरपालिका निवडणूक लढविण्यासाठी जुळवाजुळव सुरू केली आहे.

मागील निवडणुकीत उपद्रवमूल्य दाखवून दिलेल्या काँग्रेसने यावेळी निवडणुकीच्या रिंगणात जोरदारपणे उतरण्याची तयारी सुरू केली आहे. तालुकाध्यक्ष महादेव पाटील यांनी अन्य पक्षातील कार्यकर्त्यांची फोडाफोडी करून काँग्रेससाठी मोर्चेबांधणीला सुरुवात केली आहे. अलीकडच्या काळात भाजपमधून शिवसेनेत प्रवेश केलेल्या नव्या कारभाऱ्यांनी अस्तित्व दाखवून देण्यासाठी मोर्चेबांधणी सुरू केली आहे. कोरोनाच्या लाटेतदेखील भाजपमधील पदाधिकाऱ्यांना शिवसेनेत प्रवेश देण्याचे काम केले जात आहे.

काँग्रेस आणि शिवसेना या पक्षांनी पक्ष वाढवत नगरपालिका निवडणूक टार्गेट केली आहे. भाजप, राष्ट्रवादीसारख्या प्रस्थापितांना टक्कर देण्यासाठी शिवसेना आणि काँग्रेसने सुरात सूर मिसळले आहेत. राज्यात महाविकास आघाडीत शिवसेना, राष्ट्रवादी आणि काँग्रेस एकत्र आहेत. तासगाव नगरपालिका निवडणुकीतदेखील आतापासूनच शिवसेना आणि काँग्रेसने सुरात सूर मिसळला असला, तरी राष्ट्रवादीची भूमिका फारकत घेणारी आहे. त्यामुळे येणाऱ्या काळात हे तिन्ही पक्ष एकत्रित येऊन भाजपची सत्ता उलथवून लावणार की या तिन्ही पक्षांचे त्रांगडे निवडणुकीतदेखील कायम राहणार, हे पाहावे लागणार आहे.