करगणी : जिल्ह्यातील राजकीय प्रस्थापितांची असणारी दहशत मोडीत काढण्यासाठीच महाराष्ट्र नवनिर्माण सेना सर्वसामान्य जनतेच्या पाठीशी असून अन्यायाला वाचा फोडून न्याय दिल्याशिवाय मनसे कार्यकर्ते स्वस्थ बसत नाहीत, असे प्रतिपादन तानाजी सावंत यांनी केले.
करगणी (ता. आटपाडी) येथे आयोजित सत्कार सोहळ्यात ते बोलत होते. यावेळी जिल्हा उपाध्यक्ष राजेश जाधव, प्रकाश गायकवाड, विनय पाटील, कुमार सावंत, साजिद आगा, कृष्णा देशमुख, शरद ढोकळे यासह मान्यवर उपस्थित होते.
करगणी येथील प्रकाश स्टोन क्रशरच्या बोअर ब्लास्टिंगमुळे अनेक घरांना तडे गेले होते. क्रशर परिसरात राहत असणारे नागरिक भीतीच्या छायेत राहत होते. या प्रश्नी तानाजी सावंत यांनी आंदोलन करण्याचा इशारा देत जिल्हाधिकाऱ्यांना निवेदन दिले होते. आटपाडी तहसीलदारांनी हे स्टोन क्रशरला नोटीस देत सील केले. यानिमित्त करगणीतील नागरिकांनी तानाजी सावंत याचा सत्कार केला.
यावेळी धनाजी पाटील, अभिजीत सरगर, सत्यवान पिंजारी, दुर्योधन करांडे उपस्थित होते.