मिरज : दक्षिण पश्चिम रेल्वेच्या हुबळी रेल्वेस्थानकात यार्डात दुरुस्ती कामासाठी दक्षिण भारतात जाणाऱ्या दहा एक्स्प्रेस रद्द करण्यात आल्या आहेत. चार एक्स्प्रेस विलंबाने धावणार असून, दोन एक्स्प्रेस इतर मार्गाने वळविण्यात आल्या आहेत.
पुणे-मिरज-लोंढा रेल्वेमार्गाचे दुहेरीकरणासह विद्युतीकरणासह हुबळी रेल्वे स्थानकात विविध कामे सुरू आहेत. दि. २५ फेब्रुवारीपर्यंत हुबळी यार्डात रेल्वेमार्ग बदलण्यात येणार असल्याने दहा एक्स्प्रेस रद्द करण्यात आल्या आहेत. चार विलंबाने व दोन एक्स्प्रेस पुणे, दौंड, सोलापूरमार्गे वळविण्यात आल्या आहेत. रद्द केलेल्या रेल्वे गाड्या दि.१६ ते २५ फेब्रुवारीपर्यंत हुबळी-दादर एक्स्प्रेस, दि.१७ ते २६ पर्यंत दादर-हुबळी एक्स्प्रेस (दि.२२ व २३ रोजी तिरूपती-कोल्हापूर एक्स्प्रेस, दि. २३ व २४ रोजी, कोल्हापूर तिरुपती, दि. १५ व १७ रोजी बंगलोर-जोधपूर एक्स्प्रेस, दि. १८ व २० रोजी जोधपूर-बंगलोर, दि. २० रोजी बंगलोर-गांधीधाम एक्स्प्रेस, दि. २३ रोजी गांधीधाम-बंगलोर एक्स्प्रेस, दि. १६ व १८ रोजी म्हैसूर-अजमेर, दि. २५ रोजी अजमेर-म्हैसूर एक्स्प्रेस रद्द करण्यात आली आहे. दि.२३ व २४ रोजी मिरज-बंगलोर एक्स्प्रेस, दि.२३ रोजी यशवंतपूर-निजामुद्दीन एक्स्प्रेस, दि. २४ रोजी यशवंतपूर-निजामुद्दीन व दि. २३ रोजी निजामुद्दीन-यशवंतपूर एक्स्प्रेस विलंबाने धावणार आहेत. दि. १७ रोजी जोधपूर-बंगलोर व दि. २२ रोजी अजमेर-बंगलोर एक्स्प्रेस पुणे, दौंड, सोलापूरमार्गे धावणार आहेत.