कुंडलवाडी (ता. वाळवा) येथे वाळवा तालुका कृषी विभागाच्यावतीने ऊस पीक परिसंवाद आयोजित करण्यात आला. यावेळी भगवानराव माने यांनी मार्गदर्शन व प्रत्याक्षिक करून दाखविले. रहिमशा फकीर, आशिप पटेल आदी उपस्थित होते.
लोकमत न्यूज नेटवर्क
तांदूळवाडी : कुंडलवाडी (ता. वाळवा) येथे कृषी संजीवनी सप्ताहानिमित्त वाळवा तालुका कृषी विभागाच्या वतीने ऊस पीक परिसंवाद आयोजित करण्यात आला. यावेळी ऊस पिकामध्ये हुमणीसारखी वाढणारी आळी नियंत्रण, तसेच शेतकऱ्यांना ऊस बीजप्रक्रिया व उसाचे पाचट कुजवण्यासाठी बहुपयोगी वेस्ट डी कम्पोझर जिवाणू बनवण्याचे प्रात्यक्षिक तालुका कृषी अधिकारी भगवानराव माने, वाळवा यांनी सादर केले.
शेतकऱ्यांना येणाऱ्या अडचणी व शंकांचे समाधान विवेक ननावरे मंडळ कृषी अधिकारी, कुरळप यांनी केले. त्यानंतर पिंटू पटेल, इकबाल पटेल व आसिफ पटेल यांनी सेंद्रिय ऊस, शेती सोयाबीन प्लॉट, व्हर्टिकल फार्मिंग, गांडूळ खत युनिट पाहणी केली व मार्गदर्शन केले. झुकिनी प्लॉटवर फळमाशी रक्षक सापळा याबद्दल कृषी सहायक स्नेहल शिंदे यांनी मार्गदर्शन केले.
या कार्यक्रमास सागर फसले, एस. एस. शेख, एस. बी. निंबाळकर, शीतल निकम, गणेश शेळके, श्रीकांत पाटील, आर. आर. देशमुख, कृषी सहायक नागेश जमदाडे, सागर पाटील, तसेच सरपंच रहिमशा शक्कर फकीर, सोसायटीचे माजी अध्यक्ष अब्दुल पटेल, माजी सरपंच दिलावर पटेल, शेतकरी शब्बीर पटेल, जमीर पटेल, नशिर पटेल, सलिम पटेल यांच्यासह अन्य शेतकरी उपस्थित होते.