सांगली : भारतीय जैन संघटनेच्यावतीने जैन समाजाचे राज्यस्तरीय ॲानलाईन अधिवेशन रविवारी, दि. ६ रोजी सकाळी १० वाजल्यापासून दुपारी २ वाजेपर्यंत आयोजित करण्यात येणार आहे.
सांगली जिल्ह्यासाठी महिला-पुरुष, प्रमुख कार्यकर्त्यांनी नेमिनाथनगर येथील राजमती भवनमध्ये प्रत्यक्ष उपस्थित राहावे. हा कार्यक्रम एलईडी स्क्रीनद्वारे दाखविण्यात येईल, अशी माहिती भारतीय जैन संघटनेचे राष्ट्रीय कार्यकारिणी सदस्य सुरेश पाटील यांनी दिली.
संस्थापक शांतिलाल मुथ्था, विश्वस्त वल्लभ भंसाळी, राष्ट्रीय अध्यक्ष राजेंद्र लुंकड, पूर्व राष्ट्रीय अध्यक्ष प्रफुल पारख, राष्ट्रीय मंत्री संप्रती जैन, राज्य अध्यक्ष हस्तीमल बंब, पूर्व राज्य अध्यक्ष प्रकाश सुराणा, गौतम संचेती, राष्ट्रीय कार्यकारिणीचे नंदकिशोर सांखळा, सुदर्शन जैन, रजनिश जैन, अमर गांधी आदी मार्गदर्शन करतील.
या अधिवेशनाच्या पूर्वतयारीसाठी सुरेश पाटील यांच्या मार्गदर्शनाखाली राजगोंडा पाटील, दीपक पाटील, वसंत पाटील, डी. बी. शेट्टी, उदय शहा, दीपक शहा, अभिनंदन खोत, प्रकाश मुगळी आदी परिश्रम घेत आहेत.