सोहम, आदित्य, शंतनू बुद्धिबळ स्पर्धेचे विजेते

लोकमत न्यूज नेटवर्क

इस्लामपूर : येथील ऑल इंडिया सिनेवर्कर्स असोसिएशनतर्फे घेण्यात आलेल्या बुद्धिबळ स्पर्धेत सोहम खासबरदार, आदित्य कोळी, शंतनू बिळासकर यांनी विविध वयोगटांत विजेतेपद पटकाविले.

येथील क्लब हाऊसमध्ये या स्पर्धा झाल्या. प्रकाश पब्लिक स्कूलचे प्राचार्य मधुकुमार नायर यांच्या हस्ते स्पर्धेचे उद्घाटन करण्यात आले. सायंकाळी मिसेस इंडिया शुभांगी शिंत्रे, अ‍ॅड. मनीषा रोटे यांच्या हस्ते विजेत्यांना बक्षिसे देण्यात आली.

मोठ्या गटात रज्जत नरंदेकर, कौस्तुभ गोटे, तन्मय पवार, श्रद्धा कदम, मुदस्सर पटेल, अथर्व चव्हाण, नितीन राठोड, वेदान्त कोरे, मारुती नरुटे. १४ वर्षे वयोगटात आर्यन गावडे, आयुष्य घाटे. १६ वर्षे वयोगटात रुची शिंदे यांनी यश मिळविले.

यावेळी ऑल इंडिया सिनेवर्कर्स असोसिएशनचे युवा अध्यक्ष प्रज्योत रोटे, उपाध्यक्ष सलमान पठाण, कुणाल ओसवाल, हितेन पोरवाल, रवी बावडेकर, सुजित राव, विकास राजमाने, विजय पवार, प्रशिक्षिका मनीषा बावडेकर उपस्थित होत्या.