आष्टा : शहरातील सार्वजनिक ठिकाणी थुंकणाऱ्यांवर कारवाई केली जावी, अशी मागणी नागरिकांतून होत आहे. सार्वजनिक ठिकाणी अशा प्रकारच्या वर्तनामुळे आरोग्यच्या समस्या निर्माण होत आहेत. याबाबत नागरिकांमध्ये जागृती करण्याची गरज आहे.
----------------------
रेल्वे स्थानकात स्वच्छतेची मागणी
सांगली : सांगली रेल्वे स्थानक परिसरात बेजबाबदार नागरिकांकडून कुठेही कचरा टाकून घाण केली जात आहे. अशा प्रवाशांवर कारवाई केली जावी. तसेच रेल्वे प्रशासनाने स्वच्छतेबाबत योग्य ती खबरदारी घेण्याची मागणी होत आहे.
---------------
खरीप पिकांची जोमात वाढ
कुरळप : कुरळप (ता. वाळवा) परिसरात सध्या खरीप हंगामातील पिकांची जोमात वाढ आहे. शेतकरी भांगलणीसह अंतर्गत मशागतीच्या कामात व्यस्त आहेत. पिकांना खते देण्याचेही नियोजन केले जात आहे.
-------------
मजुरांची टंचाई
मिरज : खरीप हंगामातील पिकांच्या अंतर्गत मशागतींची कामे सध्या जोमात सुरू आहेत. शिवाय द्राक्षबागांमध्येही विविध कामांना गती आहे. अशावेळी मजूर टंचाईची समस्या मिरज तालुक्यातील काही गावांमध्ये दिसून येत आहे.