सांगली : अंत्री बुद्रुक (ता. शिराळा) येथे महिलेस सर्पदंश झाला. सुमन प्रल्हाद आदरट (वय ४६) असे या महिलेचे नाव असून, बुधवारी दुपारी सव्वादोनच्या सुमारास ही घटना घडली. नातेवाइकांनी त्यांना उपचारासाठी शासकीय रूग्णालयात दाखल केले.
------------------------------------
अपघातात एक जण जखमी
सांगली : दुचाकीवरून पडून झालेल्या अपघातात तरुण जखमी झाला. युवराज चव्हाण (वय ३५ रा. कवठेमहांकाळ) असे जखमी तरुणाचे नाव असून, बुधवारी दुपारी दोनच्या सुमारास हा अपघात घडला. त्यास उपचारासाठी शासकीय रुग्णालयात दाखल करण्यात आले आहे.
-----------------------------------
मांजर्डे येथील एकास मारहाण
सांगली : मांजर्डे (ता. तासगाव) येथील एकास दगडाने मारहाण करण्यात आली. शिवाजी बाबूराव चव्हाण (वय ४५) असे जखमीचे नाव असून, मंगळवारी रात्री अकराच्या सुमारास हा प्रकार घडला. त्यांना उपचारासाठी शासकीय रुग्णालयात दाखल करण्यात आले आहे.
-------------------------------------
आटपाडीच्या तरुणास मारहाण
सांगली : आटपाडी येथील तरुणास तिघांनी मारहाण केली. इंद्रजित जालिंदर चव्हाण (वय २८) असे जखमीचे नाव असून, मंगळवारी रात्री साडेनऊच्या सुमारास ही घटना घडली. त्यास उपचारासाठी शासकीय रुग्णालयात दाखल करण्यात आले आहे.
-----------------------------------
अपघातात तरुण जखमी
सांगली : कोल्हापूर रोडवर ट्रक आणि दुचाकीमध्ये झालेल्या अपघातात तरुण जखमी झाला. अनिकेत कुमार आठवले (वय २३, रा. शंभरफुटी रोड) असे जखमी तरुणाचे नाव आहे. त्याच्यावर शासकीय रुग्णालयात उपचार सुरू आहेत.