लेंगरे : लेंगरे (ता. खानापूर) येथे ग्रामपंचायतीच्या उपसरपंचपदी संगीता सुभाष शिंदे यांची बिनविरोध निवड झाली. ग्रामविकास अधिकारी संजय भोते, निवडणूक निर्णय अधिकारी यांच्या उपस्थितीत निवडणूक कार्यक्रम पार पडला.
राणी काडेंसर यांनी कार्यकाळ संपल्यावर उपसरपंचपदाचा राजीनामा दिला होता. या रिक्त पदाच्या निवडणुकीसाठी सोमवारी ग्रामपंचायत कार्यालयात बैठक पार पडली. उपसरपंचपदासाठी संगीता शिंदे यांचा एकमेव अर्ज दाखल झाल्याने त्यांची बिनविरोध निवड करण्यात आली. या वेळी पोलीस निरीक्षक दत्तात्रय कोळेकर, पोलीस हवालदार अमोल पाटील, मारुती हजारे, महिला पोलीस भारती जुमळे यांनी चोख बंदोबस्त ठेवला होता.
या वेळी सरपंच राधिका बागल, राणी काडेंसर, श्रीरंग शिंदे, प्रशांत सावंत, दिनकर शिंदे, छाया सावंत, कलावती गुजले, राणी आयवळे, विनोद पवार, प्रकाश कदम आदी उपस्थित होते.