लोकमत न्यूज नेटवर्क
सांगली : सांगली वकील संघटनेच्या चुरशीने झालेल्या निवडणुकीत अध्यक्षपदी संदीप लवटे विजयी झाले. त्यांनी कुबेर शेडबाळे यांचा १४७ मतांनी पराभव केला. सचिवपदी राजाराम यमगर तसेच सहायक सचिवपदी शैलेंद्र पाटील विजयी झाले. निकालानंतर उमेदवारांनी आनंद साजरा केला.
सांगली वकील संघटनेच्या पदाधिकारीची प्रक्रिया पंधरवड्यापासून सुरू आहे. सदस्यपदी काही बिनविरोध निवडी झाल्यानंतर अध्यक्ष, सचिव, सहा. सचिवपदासाठी सोमवारी मतदान प्रक्रिया राबविण्यात आली. कोरोनाविषयक सर्व नियमांचे पालन करत ही प्रक्रिया झाली.
या निवडणुकीत अध्यक्षपदासाठी संदीप लवटे यांना २६०, तर कुबेर शेडबाळे यांना ११३ मते मिळाली. ८ मते बाद झाली. सचिवपदासाठी राजाराम यमगर यांना २०५ तर समीर शेख यांना १६९ मते मिळाली. ७ मते बाद झाली. सहायक सचिव पदासाठी शैलेंद्र पाटील यांना २३७ तर करणसिंग ठाकूर यांना १४२ मते मिळाली व २ मते बाद झाली. उपाध्यक्षपदी नरेंद्र लाड, तर सदस्यपदी विक्रांत वडेर, शिवाजी कांबळे, चिराग सोनेचा, राजेंद्र चव्हाण, दत्ता वठारे, संतोषकुमार सुहासे, सुभाष संकपाळ यांची बिनविरोध निवड झाली.
निवडणूक समितीचे अध्यक्ष एस. व्ही. खाडे, उपाध्यक्ष हरीश प्रताप, सचिव यू. व्ही. लोखंडे, सहसचिव मायादेवी पाटील, जी. आर. कुलकर्णी , सचिन एस. पाटील, एच. आर. पाटील, पी. एम. बेंद्रे यांच्या समितीने निवडणूक प्रक्रिया राबविली. निवडीनंतर नूतन पदाधिकारी व सदस्यांनी जल्लोष केला. महिलांसाठीच्या सहा जागा रिक्त राहिल्या आहेत.
चौकट
जिल्हा न्यायालयात वकील व पक्षकारांना अधिक पुरवण्यास प्राधान्य देणार आहे. याशिवाय विजयनगरला ग्राहक न्यायालय सुरू करण्यासाठी प्रयत्न करणार असल्याचे नूतन अध्यक्ष संदीप लवटे यांनी सांगितले.