वाटेगाव : वाटेगाव (ता. वाळवा) येथील हायस्कूलला साठ वर्षांपूर्वी शाळेची इमारत बांधण्यासाठी जागा दान देणाऱ्या दात्यांच्या वारसांचा सन्मान करून कासेगाव संस्थेच्या वाटेगाव हायस्कूलने सामाजिक बांधिलकी जपली आहे, असे प्रतिपादन जिल्हा परिषदेचे माजी बांधकाम व आरोग्य सभापती रवींद्र बर्डे यांनी केले.
वाटेगाव (ता. वाळवा) येथील वाटेगाव हायस्कूलमध्ये जलसंपदामंत्री जयंत पाटील त्यांच्या वाढदिवसानिमित्त शाळेला जमीन दान दिलेल्या बाबासाहेब कृष्णाजी पाटील, आनंदराव माधवराव पाटील, प्रदीप संभाजीराव देशमुख या वारसांचा शाल, श्रीफळ, पुष्पहार देऊन ज्येष्ठ नेते जनार्दन पाटील, संस्थेचे अध्यक्ष शामराव पाटील, रवींद्र बर्डे, सरपंच सुरेश साठे यांच्याहस्ते सत्कार करण्यात आला.
बर्डे म्हणाले, कमी जमीन असतानाही जमीन दान केलेल्या त्यागातून व सर्वांच्या सहकार्याने शाळेची इमारत उभी राहिली. गावात अनेक अधिकारी निर्माण झाले. जनार्दन पाटील म्हणाले, गावाने व मुख्याध्यापक जे. एस. पाटील यांनी शिक्षकांचे सहकार्य घेऊन शाळा बोलकी केली. सध्या वाढत चाललेल्या कोरोनाच्या पार्श्वभूमीवर सर्वांनी मास्कचा वापर करा, असे आवाहन केले. विशेष प्रावीण्य मिळवलेल्या विद्यार्थ्यांचा मान्यवरांच्या हस्ते सत्कार करण्यात आला.
जनार्दनकाका पाटील, रवींद्र बर्डे, संस्थेचे अध्यक्ष शामरावकाका पाटील यांच्याहस्ते प्रातिनिधिक केक कापून जलसंपदा मंत्री जयंत पाटील यांचा वाढदिवस साजरा केला. यावेळी माजी सरपंच प्रकाश पाटील, मुख्याध्यापक जे. एस. पाटील, आनंदराव पाटील, एम. टी. कुरणे, जे. आर. पाटील, श्रीमती एस. एन. पाटील, जे. ए. शेळके, आर. पी. पवार, संजय चव्हाण राजेंद्र पाटील उपस्थित होते.
फोटो : १६०२२०२१-आयएसएलएम- वाटेगाव न्यूज
वाटेगाव हायस्कूलमध्ये जमीन दात्यांचा जनार्दन पाटील, रवींद्र बर्डे, शामराव पाटील, जे. एस. पाटील यांच्याहस्ते सत्कार करण्यात आला.