जत : रिपब्लिकन पार्टी ऑफ इंडियाच्या जिल्हाध्यक्षपदी संजय कांबळे यांची फेरनिवड करण्यात आली आहे. जत येथे पक्षाच्या बैठकीत ही निवड जाहीर करण्यात आली.
सांगलीचे माजी महापाैर व आरपीआयचे प्रदेश सचिव विवेक कांबळे यांच्याहस्ते संजय कांबळे यांना निवडीचे पत्र देण्यात आले. विवेक कांबळे म्हणाले की, संजय कांबळे यांनी सांगली जिल्ह्यात सर्वत्र आरपीआयचे काम उत्कृष्टपणे केले आहे. तरुण वर्ग व वयोवृद्धांपर्यंत पोहोचून त्यांचे प्रश्न सोडविण्यावर भर दिला आहे. सर्व जातिधर्मातील कार्यकर्त्यांना जवळ घेऊन त्यांना आपुलकीची वागणूक देत पक्षाची मजबूत बांधणी केली आहे. आरपीआय हा एका जातीचा पक्ष नसून सर्वसमावेशक आहे. या पद्धतीने संजय कांबळे यांनी काम केले. या कामाची दखल राष्ट्रीय अध्यक्ष रामदास आठवले यांनी घेतली. म्हणूनच त्यांची जिल्हाध्यक्षपदी फेरनिवड करण्यात आली आहे.
130921\img-20210913-wa0026.jpg
रिपब्लिकन आठवले गटाच्या जिल्हाध्यक्षपदी संजय कांबळे यांची फेरनिवड