गव्हाण : वज्रचौंडे (ता. तासगाव) येथील जिल्हा परिषद शाळेस युवा नेते रोहित पाटील यांनी भेट दिली. यावेळी शाळेतील विविध विषयांवर चर्चा करण्यात आली. शाळेतील समस्या सोडविण्यासाठी सहकार्य करण्याची ग्वाही यावेळी पाटील यांनी दिली.
मुख्याध्यापक विष्णू भोसले यांनी प्रास्ताविक केले.
शाळा व्यवस्थापन समितीचे अध्यक्ष विकास यादव व अमर यादव यांच्या प्रयत्नांनी संदीप देसाई, सचिन चव्हाण, उमेश सूर्यवंशी यांच्यामार्फत कोरोनाच्या पार्श्वभूमीवर शाळेतील विद्यार्थ्यांना मोफत मास्क, हॅण्ड सॅनिटायझर बॉटल, शाळेसाठी वॉल सॅनिटायझर मशीन व ऑक्सिमीटर मोफत देण्यात आले. साहित्याचे वाटप रोहित पाटील यांच्या हस्ते करण्यात आले. अमोल केंगार यांनी सूत्रसंचलन केले. रवींद्र शिंदे यांनी आभार मानले.
याप्रसंगी स्वामी रामानंद भारती सूतगिरणीचे संचालक संजय यादव, विजयकुमार भगत, सुधाकर पाटील, लक्ष्मी यमगर यांच्यासह शाळा व्यवस्थापन समितीचे सर्व सदस्य, ग्रामस्थ उपस्थित होते.