युवा संघटनेचा अध्यक्ष अटकेत

पिस्तुलासह जिवंत काडतुसे हस्तगत : स्थानिक गुन्हे शाखेची मलकापुरात कारवाई

कऱ्हाड : बेकायदा पिस्तूल बाळगल्याप्रकरणी पाटणमधील एका युवा संघटनेच्या अध्यक्षाला पोलिसांनी ताब्यात घेऊन अटक केली़ सातारच्या स्थानिक गुन्हे शाखेने आज, बुधवारी सकाळी मलकापुरातील एका लॉजवर छापा टाकून ही कारवाई केली़ स्वत:ला युवा शक्तीचा अध्यक्ष म्हणवून घेणाऱ्या या आरोपीचे नाव उदय मारुती संकपाळ (वय ३९, रा़ सुरूल, ता़ पाटण) असे आहे़ दरम्यान, उदय संकपाळकडून पोलिसांनी ७़६५ बोअरचे पिस्तूल व पाच जिवंत काडतुसे हस्तगत केली आहेत़