फोटो : बांबवडे (ता. शिराळा) येथे ग्रामपंचायतीच्या वतीने प्रदीप पाटील यांचा कोमल पाटील, विश्वास पाटील, दीपक मोरे यांच्या हस्ते सत्कार करण्यात आला.
लोकमत न्यूज नेटवर्क
वाटेगाव : बांबवडे (ता. शिराळा) येथे ग्रामपंचायत व ग्रामस्थांच्या वतीने स्पर्धा परीक्षेतून औषध निर्माण अधिकारी म्हणून निवड झालेल्या प्रदीप महावीर पाटील यांचा सरपंच कोमल पाटील, विश्वाचे संचालक विश्वास पाटील, उपसरपंच दीपक मोरे यांच्या हस्ते सत्कार करण्यात आला.
विश्वास पाटील म्हणाले जिद्द व चिकाटी ठेवली, तर ग्रामीण भागातील विद्यार्थीही स्पर्धा परीक्षांमध्ये यशस्वी होऊ शकतो. त्याचे उदाहरण म्हणजे प्रदीप पाटील होय.
यावेळी ग्रामसेवक महेश भोई, सुकुमार पाटील, दिलीप पाटील, बाबासाहेब बनसोडे, बाळासाहेब मोरे, सुवर्णा पाटील, महावीर पाटील, शंकर मोरे, विलास गुरव यांच्यासह ग्रामपंचायत सदस्य व पदाधिकारी उपस्थित होते.