सांगली : पोलीस दलातील कर्मचाऱ्यांना पोलीस महासंचालक कार्यालयाच्यावतीने देण्यात येणारे गृह कर्ज दीड वर्षांपासून बंद आहे. कर्मचाऱ्यांची अडचण ओळखून हे लोन पुन्हा सुरू करावे अशी मागणी पोलीस बॉईज असोसिएशनच्यावतीने करण्यात आली. या आशयाचे निवेदन जिल्हाधिकाऱ्यांना सादर करण्यात आले.
निवेदनात म्हटले आहे की, राज्य पोलीस दलातील कर्मचाऱ्यांना गृह कर्ज व प्लॉट खरेदीसाठी पोलीस महासंचालक कार्यालयाकडून कर्ज मंजूर करण्यात येते. मात्र, गेल्या दीड वर्षांपासून राज्यातील हजारो प्रकरणे प्रलंबित आहेत. त्यामुळे कर्मचाऱ्यांना अडचणींना सामोरे जावे लागत आहे तरी हे डीजी लोन पुन्हा सुरू करावे अशी मागणी करण्यात आली.
यावेळी असोसिएशनचे अध्यक्ष विशाल सागरे, सोहेल सनदी, धैर्यशील मोरे, संतोष बुर्गे यांच्यासह इतर पदाधिकारी उपस्थित होते.