फोटो-२१०६२०२१-आयएसएलएम-रोहिणी दिवटे
लोकमत न्यूज नेटवर्क
पेठ : सर्वसामान्य कुटुंबात जन्मलेल्या दोन बहिणी एमपीएससी परीक्षा उत्तीर्ण होऊन आता त्यांना तहसीलदार म्हणून पदोन्नती मिळाली आहे. यामध्ये धनश्री सुभाष भांबुरे (पेठ) आणि त्यांची लहान बहिणी रोहिणी राकेश दिवटे (रा. इचलकरंजी) यांची तहसीलदारपदी निवड झाली.
या दोन्ही बहिणी आणि भाऊ यांचे वडील पेठवडगाव येथील असून, ते नारळ व कांदे, बटाटेचे विक्रीचा व्यवसाय करतात. आई गृहिणी आहे. यातून त्यांनी तीन मुलांना चांगले शिक्षण दिले. या दोन्ही बहिणी पदवी प्राप्त करून त्यांनी स्पर्धा परीक्षा देऊन त्या नायब तहसीलदार झाल्या. धनश्री भांबुरे यांनी नायब तहसीलदार म्हणून इस्लामपूर तहसीलदार ऑफिसमध्ये दहा वर्षे सेवा केली आहे. संजय गांधी निराधार योजना या विभागात त्यांनी उत्कृष्ट कामगिरी केली आहे. अनेक सर्वसामान्यांना त्यांनी न्याय मिळवून दिला आहे. त्याचबरोबर त्यांची लहान बहीण कोल्हापूर जिल्ह्यातील गगनबावडा येथे नायब तहसीलदार रोहिणी दिवटे यांचीही तहसीलदार पदासाठी पदोन्नती झाली आहे. त्यांचा भाऊ डॉक्टर म्हणून रुग्णांची सेवा करत आहेत. अशा सर्वसामान्य घरातील दोन बहिणी आणि भाऊ चांगल्या क्षेत्रात काम करत आहेत.