वाळवा : क्रांतिवीर डाॅ. नागनाथअण्णा नायकवडी यांचा २२ मार्च रोजी ९वा स्मृतिदिन आहे. या दिवशी क्रांतिवीर डाॅ. नागनाथअण्णा नायकवडी स्मारक समितीच्या वतीने विविध कार्यक्रमांचे दरवर्षी आयोजन केले जाते. मात्र यंदा कोरोनामुळे स्मृतिदिनाचे सर्व कार्यक्रम रद्द केले आहेत, अशी माहिती स्मारक समिती व हुतात्मा साखर कारखाना अध्यक्ष वैभव नायकवडी यांनी पत्रकार परिषदेत दिली.
ते म्हणाले, स्वातंत्र्यसेनानी क्रांतिकारी डाॅ. नागनाथअण्णांचा ९वा स्मृतिदिन कार्यक्रम शासनाच्या आदेशाप्रमाणे साजरा करण्याचे स्मारक समितीच्या बैठकीत ठरविण्यात आले आहे. त्यानुसार त्या दिवशी सकाळी सात वाजता स्मारकस्थळी पुष्पांजली वाहून अभिवादन करण्यात येईल. कसलीही गर्दी न करता प्रत्येक जण पुष्पांजली वाहून अभिवादन करतील. सार्वजनिक व शिक्षण संस्थेत प्रतिमा पूजन करून अभिवादन केले जाईल.